അബുദാബി: ഐപിഎല്‍ കാണാന്‍ സ്റ്റേഡിയത്തില് പ്രവേശിക്കുന്നതിനുള്ള പുതിയ നിബന്ധനകള്‍ പുറത്തിറക്കി. നേരത്തെയുണ്ടായിരുന്ന നിബന്ധനകള്‍ക്ക് പുറമേ പുതുതായി ചില നിബന്ധനകള്‍ കൂടി അധികൃതര്‍ പ്രഖ്യാപിച്ചിട്ടുണ്ട്.
Read Also : മാര്‍പ്പാപ്പയുടെ ചരിത്ര പ്രധാനമായ സന്ദര്‍ശനം : തപാല്‍ സ്റ്റാമ്പ് പുറത്തിറക്കി ഇറാഖ്
ഷാര്‍ജ സ്റ്റേഡിയത്തില് 16 വയസില്‍ താഴെ പ്രായമുള്ളവര്‍ക്ക് പ്രവേശനം അനുവദിക്കില്ല. അതേസമയം, ദുബായ്, അബുദാബി സ്റ്റേഡിയത്തിലേക്ക് എല്ലാ പ്രായക്കാര്‍ക്കും കളി കാണാന്‍ എത്താം. അതേസമയം ദുബായിൽ കൊവിഡ് പരിശോധന ആവശ്യമില്ല. അബൂദാബി, ഷാര്‍ജ സ്‌റ്റേഡിയങ്ങളിലെത്തുന്നവര്‍ 48 മണിക്കൂറിനുള്ളില്‍ എടുത്ത പരിശോധനാഫലം ഹാജരാക്കണമെന്നാണ് നിര്‍ദേശം.
മാസ്‌ക് ധരിക്കലും സാമൂഹിക അകലം പാലിക്കലും നിര്‍ബന്ധമാണ്. മൊത്തം സ്റ്റേഡിയത്തിന്റെ നാല്‍പത് ശതമാനം വരെയാണ് ഇപ്പോള്‍ കാണികളെ പ്രവേശിപ്പിക്കുന്നത്. ടിക്കറ്റ് ഓണ്‍ലൈനില്‍ തന്നെ എടുക്കണം. സ്റ്റേഡിയത്തില് ടിക്കറ്റ് വില്‍പ്പന ഉണ്ടായിരിക്കില്ല. ടിക്കറ്റ് മൊബൈലില്‍ ഡൗണ്‍ലോഡ് ചെയ്യുന്നത് ഉചിതമാണ്.
Post Your Comments