റിയാദ്: സൗദി അറേബ്യയിൽ കോവിഡ് വൈറസ് വ്യാപനം കുറയുന്നു. ഇന്ന് സൗദി അറേബ്യയിൽ 69 കോവിഡ് കേസുകൾ മാത്രമാണ് റിപ്പോർട്ട് ചെയ്തത്. 48 പേർ രോഗമുക്തി നേടിയതായും സൗദി ആരോഗ്യ മന്ത്രാലയം അറിയിച്ചു. അഞ്ചു പേർക്കാണ് ഇന്ന് കോവിഡ് ബാധയെ തുടർന്ന് സൗദി അറേബ്യയിൽ ജീവൻ നഷ്ടപ്പെട്ടത്.
Read Also: വാക്‌സിനേഷന്‍ സ്വീകരിച്ച ആളുകളെ ഇനി പെട്ടെന്നു തിരിച്ചറിയാം: ക്യുആര്‍ കോഡുകള്‍ വരുന്നു
5,46,681 പേർക്കാണ് സൗദിയിൽ ഇതുവരെ കോവിഡ് സ്ഥിരീകരിച്ചത്. 5,35,650 പേർ രോഗമുക്തി നേടി. 8,671 പേർ കോവിഡിനെ തുടർന്ന് മരണമടഞ്ഞു. 2,359 പേർ ചികിത്സയിൽ കഴിയുന്നുണ്ടെന്നാണ് ആരോഗ്യ മന്ത്രാലയത്തിന്റെ കണക്കുകൾ വ്യക്തമാക്കുന്നത്. ഇതിൽ 317 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണെന്നാണ് ആരോഗ്യ മന്ത്രാലയ വൃത്തങ്ങൾ വ്യക്തമാക്കുന്നത്.
രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമാണ്. 41,033,322 കോവിഡ് വാക്‌സിൻ ഡോസുകളാണ് സൗദി അറേബ്യയിൽ ഇതുവരെ വിതരണം ചെയ്തത്. 55,495 ആർ.ടി പി.സി.ആർ പരിശോധനകളാണ് ഇന്ന് സൗദിയിൽ നടന്നത്.
Read Also: കെ.കരുണാകരന്റെ പേരില്‍ പിരിച്ച 16 കോടി രൂപ എന്തുചെയ്തു? കെ.സുധാകരനോട് കെ.പി അനില്‍കുമാര്‍
Post Your Comments