നി​റം ചേ​ര്‍​ത്ത ഏ​ല​ക്ക​യു​ടെ വി​പ​ണ​നം ത​ട​യും: എത്തി ഓപറേഷന്‍ ഇലൈച്ചി

തൊ​ടു​പു​ഴ: നി​റം ചേ​ര്‍​ത്ത ഏ​ല​ക്ക​യു​ടെ വി​പ​ണ​നം ത​ട​യാ​നൊരുങ്ങി ഭ​ക്ഷ്യ​സു​ര​ക്ഷ വ​കു​പ്പ്. ഓ​പ​റേ​ഷ​ന്‍ ഇ​ലൈ​ച്ചി​യുടെ സഹായത്തിലാകും പ്രവർത്തനം. സ്​​പൈ​സ​സ്​ ബോ​ര്‍​ഡു​മാ​യി ചേ​ര്‍​ന്നാ​ണ്​ പ​രി​ശോ​ധ​ന ന​ട​ത്തു​ന്ന​ത്. ഉ​ണ​ക്ക ഏ​ല​ക്ക​യു​ടെ നി​റം മു​ന്തി​യ ഇ​നം ഏ​ല​ക്ക​യു​ടേ​തി​ന്​ സ​മാ​ന​മാ​യി പ​ച്ച​നി​റ​ത്തി​ല്‍ കാ​ണു​മെ​ന്ന​താ​ണ് നി​റം ചേ​ര്‍ക്ക​ലി​ന്റെ ഗു​ണം. ന​ല്ല​വ​ണ്ണം ഉ​ണ​ങ്ങി​യ ഏ​ല​ത്തി​ന്​ ന​ല്ല പ​ച്ച​നി​റ​വും വ​ലു​പ്പ​വും ഉണ്ടെ​ങ്കി​ല്‍ ഉ​യ​ര്‍​ന്ന വി​ല ലേ​ല​ത്തി​ല്‍ ല​ഭി​ക്കും. ഇ​തി​നു​വേ​ണ്ടി​യാ​ണ് നി​റം ചേ​ര്‍​ക്കു​ന്ന​ത്.

Also Read: ഒരു കോടിയോളം രൂപ കുടിശിക വരുത്തി: മെഡിക്കല്‍ കോളേജിലെ കാന്റീന്‍ കരാര്‍ റദ്ദാക്കണമെന്ന് ആവശ്യം

നി​റം ചേ​ര്‍​ക്ക​ലി​നെ​തി​രെ ക​ര്‍​ഷ​ക​ര്‍​ക്ക് മു​ന്ന​റി​യി​പ്പും ബോ​ധ​വ​ത്​​ക​ര​ണ​വും ന​ല്‍​കു​ന്നു​ണ്ടെ​ങ്കി​ലും കൂ​ടു​ത​ല്‍ വി​ല ല​ഭി​ക്കാ​ന്‍ കൃ​ത്രി​മ മാ​ര്‍​ഗം തേ​ടു​ന്ന​വ​രു​ണ്ടെ​ന്നാ​ണ്​ ഭ​ക്ഷ്യ​സു​ര​ക്ഷ വ​കു​പ്പ്​ അ​ധി​കൃ​ത​ര്‍ പ​റ​യു​ന്ന​ത്. ഇ​ത്​ ഗു​രു​ത​ര ​ആരോഗ്യ​പ്ര​ശ്​​ന​ങ്ങ​ള്‍ ഉ​ണ്ടാ​ക്കു​മെ​ന്ന്​ മു​ന്ന​റി​യി​പ്പ്​ ന​ല്‍​കു​ന്നു. സം​സ്ഥാ​ന​ത്ത്​ ​തന്നെ ഏ​റ്റ​വും കൂ​ടു​ത​ല്‍ ഏ​ല​ക്ക സം​സ്​​ക​ര​ണം ന​ട​ക്കു​ന്ന​ത്​ ഇ​ടു​ക്കി ജി​ല്ല​യി​ലാ​ണ്. ഇ​വി​ടെ​നി​ന്നാ​ണ്​ രാ​ജ്യ​ത്തിന്റെ വി​വി​ധ ഭാ​ഗ​ങ്ങ​ളി​ലേ​ക്കും വി​ദേ​ശ​ത്തേ​ക്കും പോ​കു​ന്ന​ത്.

നേ​ര​ത്തേ ന​ട​ത്തി​യ പ​രി​ശോ​ധ​ന​ക​ളി​ല്‍ ഇ​ത്ത​ര​ത്തി​ല്‍ നി​റം ചേ​ര്‍​ത്ത്​ നാ​ട്ടി​ലെ മാ​ര്‍​ക്ക​റ്റു​ക​ളി​ല്‍​ത​ന്നെ ഏ​ല​ക്ക വി​ല്‍​പ​ന​ക്കെ​ത്തു​ന്ന​താ​യി ഭ​ക്ഷ്യ​സു​ര​ക്ഷ വ​കു​പ്പ്​ ക​ണ്ടെ​ത്തി​യി​രു​ന്നു. ക​ഴി​ഞ്ഞ വ​ര്‍​ഷം ന​ട​ത്തി​യ പ​രി​ശോ​ധ​ന​യി​ല്‍ നി​റം ചേ​ര്‍​ക്കാ​ന്‍ ഉ​പ​യോ​ഗി​ക്കു​ന്ന രാ​സ​വ​സ്തു​ക്ക​ളു​ടെ വ​ലി​യ ശേ​ഖ​രം ജി​ല്ല​യി​ല്‍​നി​ന്ന്​ പി​ടി​കൂ​ടി​യി​രു​ന്നു. ക​ള​റും വാ​ഷും അ​ന​ധി​കൃ​ത​മാ​യി ചേ​ര്‍​ക്കു​ന്ന​തും​ ക​ണ്ടെ​ത്തി. മൂ​ന്ന്​​സ്ഥാ​പ​നം പൂ​ട്ടി​ക്കു​ക​യും ഒ​രു സ്ഥാ​പ​ന​ത്തി​ല്‍​നി​ന്ന്​ ഒ​രു​ല​ക്ഷം രൂ​പ പി​ഴ ഈ​ടാ​ക്കു​ക​യും ചെ​യ്​​തു.