ന്യൂഡല്‍ഹി: ഇസ്ലാം ഇന്ത്യയിലേക്ക് വന്നത് അധിനിവേശക്കാര്‍ക്ക് ഒപ്പമാണെന്ന ആര്‍.എസ്.എസ് മേധാവി മോഹന്‍ ഭഗവതിന്റെ പരാമര്‍ശത്തില്‍ പ്രതികരണവുമായി പോപ്പുലര്‍ ഫ്രണ്ട് ഒഫ് ഇന്ത്യ (പി.എഫ്.ഐ). ആര്യന്‍മാര്‍ അധിനിവേശിക്കുകയും വ്യാപാരം ഇസ്ലാമിനെ ഇന്ത്യയിലേക്ക് കൊണ്ടുവരികയും ചെയ്തതായി പി.എഫ്.ഐ പറഞ്ഞു.
ആര്‍.എസ്.എസ് മേധാവി മോഹന്‍ ഭഗവത് ഇസ്ലാമിനെ അധിനിവേശക്കാരായി മുദ്രകുത്തുന്നതിന് മുമ്പ് അദ്ദേഹം കണ്ണാടിയില്‍ സ്വന്തം പ്രതിബിംബം നോക്കിക്കാണുകയും അദ്ദേഹത്തിന്റെ ‘ആര്യന്‍’ വംശത്തെക്കുറിച്ച്‌ ആഴത്തില്‍ അന്വേഷിക്കുകയും ചെയ്യണമായിരുന്നുവെന്ന് പി.എഫ്.ഐ ചെയര്‍മാന്‍ ഒ.എം.എ. സലാം പറഞ്ഞു.
അറബ് വ്യാപാര ബന്ധങ്ങള്‍ക്ക് നന്ദി, ഇന്ത്യന്‍ ഉപഭൂഖണ്ഡത്തില്‍ ഏതെങ്കിലും മുസ്ലീം ഭരണം വരുന്നതിന് വളരെ മുമ്പ്തന്നെ എ.ഡി ഏഴാം നൂറ്റാണ്ടില്‍ ഇസ്ലാം ദക്ഷിണേന്ത്യയില്‍ വന്നു എന്നും അദ്ദേഹം കൂട്ടിച്ചേര്‍ത്തു. വൈദിക ബ്രാഹ്മണിസത്തെ ‘ഇന്നത്തെ എല്ലാ ഹിന്ദുത്വ തിന്മകളുടെയും മാതാവ്’ എന്ന് വിളിച്ച സലാം ഇത് ജാതിയും മതവിദ്വേഷവും പ്രചരിപ്പിക്കുന്നുവെന്നും പ്രതികരിച്ചു.
Post Your Comments