ജിദ്ദ : സൗദി അറേബ്യായിൽ തിങ്കളാഴ്ച്ച മുതല്‍ ഇന്ത്യന്‍ സ്കൂളുകള് തുറക്കും. കോവിഡ് പ്രതിസന്ധിയിൽ അടച്ചിടേണ്ടിവന്ന സ്കൂളുകള് 18 മാസത്തെ ഇടവേളക്ക് ശേഷമാണ് തുറക്കുന്നത്. ഇന്ത്യൻ എംബസിയുടെ കീഴിൽ രാജ്യത്ത് 10 ഇൻറർനാഷനൽ സ്കൂളുകളാണ് പ്രവര്‍ത്തിക്കുന്നത്.
കോവിഡ് വാക്‌സിന്‍റെ രണ്ട് ഡോസുകളും സ്വീകരിച്ച വിദ്യാര്‍ത്ഥികള്‍ക്ക് മാത്രമാണ് പ്രവേശനം ലഭിക്കുക. മറ്റുള്ള കുട്ടികള്‍ക്ക് നിലവിലെ ഓണ്‍ലൈന്‍ ക്ലാസില്‍ തുടരാവുന്നതാണ്. സ്കൂളില്‍ വരുന്ന കുട്ടികള്‍ നേരിട്ടുള്ള ക്ലാസില്‍ വരുന്നതിന് വിരോധമില്ലെന്ന് കാണിക്കുന്ന രക്ഷിതാക്കളുടെ സമ്മതപത്രവും, രണ്ട് ഡോസ് വാക്‌സിന്‍ സ്വീകരിച്ചതിന്‍റെ സര്‍ട്ടിഫിക്കറ്റിന്‍റെ കോപ്പിയും അധികൃതര്‍ക്ക് സമര്‍പ്പിക്കേണ്ടതാണ്.
സെപ്റ്റംബർ 13ന് രാവിലെ 7.45ന് 12ാം ക്ലാസ് വിദ്യാർഥികൾക്ക് ക്ലാസുകൾ ആരംഭിക്കും. ഉച്ചയ്ക്ക് 12.45വരെയാണ് ഇവര്‍ക്ക് ക്ലാസ് നടക്കുക. 13ാം തീയതി 11ാം ക്ലാസ് വിദ്യാർഥികൾക്കും ക്ലാസുകൾ ആരംഭിക്കും.
Post Your Comments