മംഗളൂരു : ദക്ഷിണ കന്നഡ ജില്ലയിലെ സുള്ള്യ താലൂക്കിലെ ദുഗ്ഗലഡ്ക ഹൈസ്കൂളിലെ വാക്സിനേഷൻ ക്യാമ്പിലാണ് അംഭവം. ഒരു ദിവസം തന്നെ രണ്ട് ഡോസ് വാക്സിന്‍ നല്‍കിയെന്നാണ് യുവാവിന്റെ പരാതി. സംഭവത്തെക്കുറിച്ച്‌ അന്വേഷിക്കുമെന്നും വീഴ്ച വരുത്തിയ ആരോഗ്യ പ്രവര്‍ത്തകര്‍ക്കെതിരെ നടപടിയെടുക്കുമെന്നും ആരോഗ്യവകുപ്പ് അറിയിച്ചു.
കെ.ബി. അരുണ്‍ എന്ന യുവാവിനാണ് ഒരു ദിവസം രണ്ട് ഡോസ് വാക്സിന്‍ നല്‍കിയത്. അരുണ്‍ ആദ്യ ഡോസ് വാക്സിന്‍ എടുത്തശേഷം, പനിയോ മറ്റോ വന്നാല്‍ കഴിക്കാന്‍ ഗുളികകള്‍ ലഭിക്കുമെന്ന് അറിഞ്ഞതിനെ തുടർന്ന് വാക്സിന്‍ കേന്ദ്രത്തില്‍ തന്നെ തുടരുകയായിരുന്നു. എന്നാല്‍, ആരോഗ്യ പ്രവര്‍ത്തകര്‍ മറ്റൊരു ഡോസ് വാക്സിന്‍ കൂടി കുത്തിവെക്കുകയായിരുന്നു.
തുടർന്ന് ആരോഗ്യ പ്രവര്‍ത്തകരുമായി അരുണിന്റെ കുടുംബാംഗങ്ങള്‍ വാക്കുതര്‍ക്കമുണ്ടാകുകയും . താലൂക്ക് ഹെല്‍ത്ത് ഓഫിസര്‍ ഡോ.നന്ദകുമാര്‍ ഫോണില്‍ വിളിച്ച്‌ കാര്യങ്ങള്‍ തിരക്കുകയും ചെയ്തു. സംഭവത്തെക്കുറിച്ച്‌ അന്വേഷിക്കുമെന്ന് ആരോഗ്യവകുപ്പ് അറിയിച്ചു.
Post Your Comments