ന്യൂയോർക്ക് : അമേരിക്കയിൽ ഐഡ ചുഴലികാറ്റിനെ തുടർന്നുണ്ടായ വെള്ളപ്പൊക്കത്തിൽ മരിച്ചവരുടെ എണ്ണം 45 ആയി. ന്യൂയോർക്ക്, ന്യൂ ജേഴ്‌സി എന്നിവിടങ്ങളിലാണ് കൂടുതൽ മരണങ്ങൾ. പലയിടങ്ങളിലും വെള്ളപ്പൊക്കം രൂക്ഷമാണ്.
എട്ട് പേർ ന്യൂയോർക്കിൽ മരിച്ചു. ഇതിൽ രണ്ട് വയസ്സുള്ള ഒരു കുട്ടിയും ഉൾപ്പെടുന്നു. ന്യൂയോർക്ക്, ന്യൂ ജേഴ്‌സി സംസ്ഥാനങ്ങളിലെ റെയിൽ -വിമാന സർവീസുകൾ റദ്ദാക്കി. തെക്കൻ അമേരിക്കയിൽ കനത്ത നാശനഷ്ടമാണ് ഐഡ സൃഷ്ടിച്ചത്. യു എസിൽ പത്ത് ലക്ഷത്തിലേറെ വീടുകളിൽ വൈദ്യുതി ബന്ധം വിച്ഛേദിക്കപ്പെട്ടു. കാലാവസ്ഥാ മാറ്റം നേരിടാൻ വലിയ പദ്ധതികൾ വേണ്ടിവരുമെന്ന് ജോ ബൈഡൻ പ്രതികരിച്ചു.
Post Your Comments