ദുബായ് : വിമാന യാത്രക്കാർക്ക് എക്സ്പോ 2020 നായുള്ള സൗജന്യ പ്രവേശന പാസുമായി ഫ്ലൈദുബായ്. 2021 സെപ്റ്റംബർ 1 നും 2022 മാർച്ച് 31 നും ഇടയിൽ ബുക്ക് ചെയ്ത് വിമാനത്തിൽ പറക്കുന്ന യാത്രക്കാർക്ക് പ്രവേശന പാസിന് അർഹതയുണ്ടെന്ന് ഫ്ലൈദുബായിയുടെ വെബ്സൈറ്റിൽ പോസ്റ്റ് ചെയ്ത അപ്ഡേറ്റ് പറയുന്നു. ആറ് മാസം നീണ്ടുനിൽക്കുന്ന മെഗാ എക്സിബിഷനിൽ ടിക്കറ്റ് ഉടമയ്ക്ക് ഇഷ്ടമുള്ള ഏത് ദിവസവും സന്ദർശിക്കാനാകുമെന്നും പ്രസ്താവനയിൽ പറയുന്നു.
നേരത്തെ, ദുബായിലെ ഫ്ലാഗ്ഷിപ്പ് കാരിയറായ എമിറേറ്റ്സ് യാത്രക്കാർക്ക് എക്സ്പോ കോംപ്ലിമെന്ററി ഡേ പാസുകൾ പ്രഖ്യാപിച്ചിരുന്നു. ഒക്ടോബർ 1 നും 2022 മാർച്ച് 31 നും ഇടയിൽ എമിറേറ്റ്‌സിനൊപ്പം ദുബായിലേക്ക് പറക്കുന്ന യാത്രക്കാർക്കാണ് എക്സ്പോ 2020 ഡേ പാസ് പ്രഖ്യാപിച്ചത്.
2021 ഒക്ടോബർ 1 ന് ആറ് മാസം നീണ്ടുനിൽക്കുന്ന മെഗാ ഇവന്റ് ആരംഭിക്കുന്നതിന് മുന്നോടിയായി ടിക്കറ്റുകൾ ജൂലൈ 18 ന് മുതൽ ലോകമെമ്പാടും വിൽപ്പനയ്‌ക്കെത്തിയിരുന്നു. ഒരു ദിവസത്തെ ടിക്കറ്റിന് 95 ദിർഹം ($ 26); 30 ദിവസത്തെ തുടർച്ചയായ അനിയന്ത്രിതമായ എൻട്രി വാഗ്ദാനം ചെയ്യുന്ന മൾട്ടി-ഡേ ടിക്കറ്റുകൾക്ക് 195 ദിർഹം ($ 53), സീസൺ പാസുകൾ, എക്സ്പോ 2020-ലെ ആറ് മാസത്തെ പരിധിയില്ലാത്ത എൻട്രി $ 495 ($ 135) എന്നിങ്ങനെയാണ് നിരക്കുകൾ.
Post Your Comments