കോഴിക്കോട്: താലിബാനെതിരെ മാനവ സൗഹൃദ സദസ് സംഘടിപ്പിച്ച് ഡിവൈഎഫ്ഐ. താലിബാന്‍ തുലയട്ടെ, സാമ്രാജ്യത്വം തുലയട്ടെ എന്ന മുദ്രാവാക്യമുയര്‍ത്തിയാണ് ഡിവൈഎഫ്ഐ പരിപാടി സംഘടിപ്പിച്ചത്. കോഴിക്കോട് ജില്ലാ കമ്മിറ്റിയുടെ നേതൃത്വത്തില്‍ പുതിയ ബസ് സ്റ്റാന്‍ഡ് പരിസരത്ത് നടന്ന പരിപാടി സംസ്ഥാന സെക്രട്ടറി എ.എ റഹീം ഉദ്ഘാടനം ചെയ്തു.
ജില്ലാ സെക്രട്ടറി വി. വസീഫ് പരിപാടിയില്‍ സ്വാഗതം പറഞ്ഞു. ജില്ലാ പ്രസിഡന്റ് എല്‍.ജി ലിജീഷ് അദ്ധ്യക്ഷനായി. സംസ്ഥാന കമ്മിറ്റി അംഗം പി.സി ഷൈജു, ആര്‍. ഷാജി, പിങ്കി പ്രമോദ്, ഫഹദ് ഖാന്‍ എന്നിവര്‍ സംസാരിച്ചു. ജില്ലയില്‍ 17 ബ്ലോക്ക് കേന്ദ്രങ്ങളിലാണ് പരിപാടി സംഘടിപ്പിച്ചത്.
Post Your Comments