ആരോഗ്യത്തിന് ഇഞ്ചിയിട്ട ചായ

ആന്റിഓക്സിഡന്റുകളാല്‍ സമ്പന്നമായ ഇഞ്ചി പലതിനും ഒറ്റമൂലിയായി ഉപയോഗിക്കുന്നുണ്ട് . ദഹനക്കേട്, ഓക്കാനം, നെഞ്ചെരിച്ചില്‍ എന്നിവയില്‍ നിന്ന് ആശ്വാസം നേടാനും ഭക്ഷണശേഷം ആരോഗ്യകരമായ ദഹനത്തിന് വഴിയൊരുക്കാനുമായി ഇഞ്ചി വെള്ളം കുടിക്കുന്നത് നല്ലതാണ് . ജലദോഷത്തിന് ഇഞ്ചി എല്ലായ്‌പ്പോഴും വീട്ടുവൈദ്യമാണ്. ഇഞ്ചി കഴിക്കുന്നത് ശ്വസനവ്യവസ്ഥയെ ശക്തിപ്പെടുത്തുമെന്നും ജലദോഷം പോലുള്ള വൈറസുകളില്‍ നിന്ന് സംരക്ഷിക്കുമെന്നും പഠനങ്ങളില്‍ വ്യക്തമായിട്ടുണ്ട്.ഇഞ്ചിച്ചായയും ആരോഗ്യത്തിനു വളരെ നല്ലതാണ്.തൊണ്ട വേദന, ചുമ എന്നിവയ്ക്കെല്ലാം നല്ലൊരു മരുന്നാണ് ഇഞ്ചിച്ചായ.

ഇഞ്ചിച്ചായ ഉണ്ടാക്കുന്ന വിധം

ഇഞ്ചി – ചെറിയ കഷ്ണങ്ങളാക്കിയത് 1 ടീസ്പൂണ്‍
ചായ പൊടി- 1 ടീസ്പൂണ്‍
വെള്ളം – 3 കപ്പ്
തേന്‍/പഞ്ചസാര – 1ടീസ്പൂണ്‍
പാല്‍- 1 കപ്പ്
നാരങ്ങനീര് – 1 കപ്പ്(ആവശ്യമുള്ളവര്‍)
തയ്യാറാക്കുന്ന വിധം.

ആദ്യം ഒരു പാനില്‍ 3 കപ്പ് വെള്ളം ഒഴിക്കുക.

വെള്ളം നല്ല പോലെ തിളച്ച് വരുമ്പോള്‍ ചെറിയ കഷ്ണങ്ങളാക്കി വച്ചിരിക്കുന്ന ഇഞ്ചി തിളച്ച വെള്ളത്തിലിടുക. ചായ പൊടിയും പാലും തേനും ചേര്‍ക്കുക. നല്ല പോലെ തിളപ്പിക്കുക.
തിളച്ച് വരുമ്പോള്‍ നാരങ്ങ നീരും ചേര്‍ക്കുക.