കൊച്ചി : ട്രാഫിക് നിയമങ്ങള്‍ കാറ്റില്‍ പറത്തി യുവാവിന്റെ ബൈക്ക് യാത്ര വൈറലായതോടെ യുവാവ് പൊലീസ് കസ്റ്റഡിയിലായി. കൊച്ചിയിലാണ് സംഭവം. രൂപമാറ്റം വരുത്തിയ ബൈക്കില്‍ ലൈസന്‍സില്ലാതെയും ഹെല്‍മറ്റും മാസ്‌കും ഷര്‍ട്ടും ധരിക്കാതെയുമായിരുന്നു യുവാവിന്റെ യാത്ര. സമൂഹ മാധ്യമങ്ങളില്‍ വീഡിയോ വൈറലായതോടെ ബൈക്ക് സഹിതം യുവാവിനെ പൊലീസ് കസ്റ്റഡിയിലെടുത്തു. വീഡിയോ പരിശോധിച്ച സൈബര്‍ പൊലീസ് എറണാകുളം മുനമ്പത്തു നിന്നുള്ളതാണ് വീഡിയോ എന്നു കണ്ടെത്തി.
Read Also : ഇ ബുൾ ജെറ്റ് ട്രാവലറിന്റെ രജിസ്‌ട്രേഷൻ റദ്ദാക്കൽ നടപടികൾ ആരംഭിച്ചു: ആർടിഒ നോട്ടീസ് നൽകി
തുടര്‍ന്നു നടത്തിയ അന്വേഷണത്തിലാണ് ചെറായി സ്വദേശി റിച്ചല്‍ സെബാസ്റ്റ്യന്‍ പൊലീസ് പിടിയിലായത്. മാസ്‌ക് ധരിക്കാത്തതിനും കോവിഡ് മാനദണ്ഡങ്ങള്‍ ലംഘിച്ചു യാത്ര ചെയ്തതിനും ലൈസന്‍സില്ലാതെയും ഹെല്‍റ്റില്ലാതെയും വാഹനമോടിച്ചതിനും യുവാവിനെതിരെ പൊലീസ് കേസെടുത്തു. അനുമതിയില്ലാതെ ബൈക്കില്‍ രൂപമാറ്റം വരുത്തിയതിനും കേസുണ്ട്.
ഇയാളുടെ സുഹൃത്തുക്കള്‍ മറ്റൊരു ബൈക്കില്‍ യാത്ര ചെയ്ത് ദൃശ്യങ്ങള്‍ പകര്‍ത്തുകയായിരുന്നു. അറസ്റ്റിലായ യുവാവിന്റെ സുഹൃത്തിന്റേതാണ് ബൈക്ക്.
Post Your Comments