കൊല്ലം : ഇടമുളയ്ക്കല്‍ പഞ്ചായത്തിലെ കോവിഡ് വാക്സിനേഷൻ കേന്ദ്രത്തിൽ കോണ്‍ഗ്രസ്-സിപിഎം തര്‍ക്കം. ആയൂര്‍ കേന്ദ്രീകരിച്ച്‌ വാക്സിനേഷന്‍ സെന്‍റര്‍ വേണമെന്ന് യു.ഡി.എഫ് അംഗങ്ങള്‍ ആവശ്യപ്പെട്ടെങ്കിലും എല്‍ഡിഎഫ് തയാറായില്ലെന്നും കോണ്‍ഗ്രസ് പാര്‍ലമെന്‍ററി പാര്‍ട്ടി ലീഡര്‍ രാജീവ് കോശി, മണ്ഡലം പ്രസിഡന്‍റ് റംലി എസ്. റാവുത്തര്‍ എന്നിവര്‍ അറിയിച്ചു.
എല്ലാ വാര്‍ഡിലും എല്‍.ഡി.എഫ് പ്രവര്‍ത്തകരാണ് ഭരണസ്വാധീനം ഉപയോഗിച്ച്‌ വാക്സിനേഷന്‍ നല്‍കാന്‍ ശിപാര്‍ശയും ഭീഷണിയും നടത്തിയിട്ടുള്ളതെന്നും യു.ഡി.എഫ് അംഗങ്ങളും കോണ്‍ഗ്രസ് മണ്ഡലം കമ്മിറ്റിയും പ്രതികരിച്ചു. അതേസമയം കോണ്‍ഗ്രസ് പ്രതിനിധികള്‍ പക്ഷപാതപരമായി പെരുമാറുന്നെന്നും തങ്ങള്‍ക്ക് ഇഷ്ടപ്പെട്ടവര്‍ക്ക് മാത്രം വാക്സിന്‍ നല്‍കാന്‍ ശിപാര്‍ശ ചെയ്യുന്നതായും കാട്ടി ഡി.വൈ.എഫ്.ഐ പ്രസ്താവനയിറക്കിയിരുന്നു.
Post Your Comments