തിരുവനന്തപുരം: സുരേഷ് ഗോപി എംപിയ്ക്ക് നന്ദി അറിയിച്ച് നിർമ്മാതാവ് ജി സുരേഷ്. കണ്ണൂരിൽ പ്രവർത്തിച്ചു വരുകയായിരുന്ന ലേബർ വെൽഫെയർ കമ്മീഷണറുടെ ഓഫീസ് അവിടെനിന്നും തിരുവനന്തപുരത്തേക്കു മാറ്റുന്നതിന് ഇടപെടൽ നടത്തിയതിനാണ് അദ്ദേഹം സുരേഷ് ഗോപിയ്ക്ക് നന്ദി അറിയിച്ചത്. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം.
2014 ൽ ഉത്തരവിറങ്ങിയിട്ടും ചുവപ്പുനാടയിലും കണ്ണൂരിലെ സ്ഥാപിത താത്പര്യക്കാരുടെ ചരടുവലികളിലും കുടുങ്ങികിടന്നിരുന്ന തീരുമാനം നടനും എം.പിയുമായ സുരേഷ് ഗോപിയുടെ നിരന്തരശ്രമഫലമായാണ് ഇപ്പോൾ യാഥാർത്ഥ്യമായിരിക്കുന്നതെന്ന് അദ്ദേഹം വ്യക്തമാക്കി. ചലച്ചിത്രപ്രവർത്തകരുടെ വർഷങ്ങളായുള്ള ആഗ്രഹമായിരുന്നു ഇതെന്നും അദ്ദേഹം പറയുന്നു.
കണ്ണൂരിൽ പ്രവർത്തിച്ചു വരുകയായിരുന്ന ഓഫീസ് അവിടെനിന്നും തിരുവനന്തപുരത്തേക്കു മാറ്റുന്നതിനു ചെലവായ പണം ധനമന്ത്രി നിർമ്മല സീതാരാമനെക്കൊണ്ട് അനുവദിപ്പിച്ചതുൾപ്പെടെ സുരേഷ് ഗോപി നടത്തിയ ഇടപെടലുകൾ ശ്ലാഘനീയമാണെന്ന് അദ്ദേഹം വ്യക്തമാക്കി. ഇതിനുവേണ്ടി അദ്ദേഹം നടത്തിയ സമ്മർദ്ദങ്ങൾക്കും തുടരന്വേഷണങ്ങൾക്കും വാക്കുകൾ കൊണ്ടു നന്ദിപറയുവാനാകില്ലെന്നും അദ്ദേഹം കൂട്ടിച്ചേർത്തു.
https://www.facebook.com/SureshKumar.G.Official/posts/4085733641534174
Post Your Comments