കോഴിക്കോട് : ഭിന്നശേഷിക്കാരനായ യുവാവിനെ പ്രകൃതിവിരുദ്ധമായി പീഡിപ്പിച്ച കേസിൽ റിട്ട. പൊലീസ് മിനിസ്‌റ്റീരിയല്‍ ഉദ്യോഗസ്ഥൻ അറസ്റ്റില്‍. ചെലവൂര്‍ പൊയില്‍താഴം ഭരതന്‍ ബസാര്‍ കേദാരത്തില്‍ വിശ്വനാഥനെ (73)യാണ് ചേവായൂര്‍ എസ്.ഐ സുനില്‍കുമാര്‍ അറസ്റ്റ് ചെയ്തത്.
സിറ്റി പൊലീസ് കമീഷണര്‍ ഓഫീസിൽ അക്കൗണ്ട് ഓഫീസറായിരുന്നു ഇയാള്‍. കഴിഞ്ഞദിവസം രാത്രി കസ്റ്റഡിയിലെടുത്ത വിശ്വനാഥനെ ചോദ്യംചെയ്ത ശേഷം അറസ്റ്റ് രേഖപ്പെടുത്തുകയായിരുന്നു. വീടിനു സമീപത്തുള്ള യുവാവിനെയാണ് ഇയാള്‍ പീഡിപ്പിച്ചിരിക്കുന്നത്. ഇയാളെ പരിശോധനക്ക് വിധേയമാക്കി. ചേവായൂര്‍ എസ്.ഐ ഷാന്‍ എസിനാണ് അന്വേഷണ ചുമതല.
Post Your Comments