ടോക്കിയോ: ടോക്കിയോ ഒളിമ്പിക്സ് അമ്പെയ്ത്തിൽ ഇന്ത്യയുടെ തരുൺദീപ് റായ് പ്രീ ക്വാർട്ടറിൽ കടന്നു. ഉക്രൈന്റെ ഒലക്സി ഹുൻബിനെയാണ് ആദ്യ റൗണ്ടിൽ ഇന്ത്യൻ താരം പരാജയപ്പെടുത്തിയത്. 6-4 എന്ന സ്കോറിനാണ് തരുൺദീപിന്റെ വിജയം.
ആദ്യ മൂന്നു സെറ്റുകളിൽ മികച്ച പ്രകടനം പുറത്തെടുക്കാൻ സാധിക്കാതിരുന്ന തരുൺദീപ് അവസാന രണ്ടു സെറ്റുകളിൽ തിരിച്ചടിച്ച് മത്സരം സ്വന്തമാക്കുകയായിരുന്നു. സ്കോർ 25-25, 27-28, 27-27,26-24, 28-25. 4-1 എന്ന സ്കോറിന് പിന്നിൽ നിന്ന ശേഷം തിരിച്ചടിച്ചാണ് തരുൺദീപ് ആവേശം ജയം സ്വന്തമാക്കിയത്. പ്രീ ക്വാർട്ടറിൽ ഇസ്രയേലിന്റെ ഇറ്റായി ഷാനിയാണ് തരുൺദീപിന്റെ എതിരാളി.
Read Also:- അകാല വാര്‍ധക്യം തടയാൻ മുളപ്പിച്ച ചെറുപയര്‍
ജപ്പാന്റെ ഹിരോകി മുട്ടോയെ 7-3 എന്ന സ്കോറിന് പരാജയപ്പെടുത്തിയാണ് ഇസ്രയേൽ താരം ഇറ്റായി ഷാനി അടുത്ത ഘട്ടത്തിലേക്ക് മുന്നേറിയത്. വ്യക്തിഗത എലിമിനേഷൻ മത്സരങ്ങളിൽ ഇന്ത്യയുടെ പ്രവീൺ യാദവും ദീപിക കുമാരിയും ഇന്ന് മത്സരിക്കാനിറങ്ങുന്നുണ്ട്.
Post Your Comments