തിരുവനന്തപുരം : മതമൗലിക വാദികളുടെ തെറിവിളികളും, ഭീഷണിയും മെസഞ്ചറിൽ രൂക്ഷമായതോടെ ഫേസ്ബുക്ക് അക്കൗണ്ട് ഡി ആക്ടിവേറ്റ് ചെയ്ത് സുനിത ദേവദാസ്. കഴിഞ്ഞ ദിവസം ഇസ്ലാമിക മത പ്രഭാഷകനായ വിഎച്ച് അലിയാർ അൽ ഖാസിമി മൗലവിയുടെ പ്രസംഗത്തെ വിമർശിച്ച് സുനിത ദേവദാസ് യുട്യൂബിൽ വീഡിയോ അപ്‌ലോഡ് ചെയ്തിരുന്നു. ഇതിന് പിന്നാലെയാണ് മതമൗലികവാദികൾ ഭീഷണിയും തെറിവിളിയുമായി രംഗത്തെത്തിയത്.
കഴിഞ്ഞ മാസം അലിയാര്‍ മൗലവി ഒരു വീഡിയോ പുറത്തിറക്കിയിരുന്നു. പ്രവാചകനെതിരെ വ്യാപകമായി വിമര്‍ശനം ഉയരുന്നുണ്ടെന്നും, എല്ലാവരും അദ്ദേഹം ആറു വയസ്സുകാരിയുമായി ശാരീരിക ബന്ധത്തിൽ ഏര്‍പ്പെട്ടുവെന്ന് പ്രചരിപ്പിക്കുകയാണെന്നും ആ വീഡിയോയില്‍ പറഞ്ഞിരുന്നു. എന്നാല്‍, ഈ വാദം ശരിയല്ലന്നും ഇങ്ങനെ പറയുന്നവരെ ഭൂമിയില്‍ വെച്ചുകൂടെന്നും അലിയാര്‍ മൗലവി പ്രസംഗത്തിനിടെ ഭീഷണി മുഴക്കിയിരുന്നു. ഇതിനെയാണ് സുനിത ദേവദാസ് വിമർശിച്ചത്.
Read Also : പ്രതിദിന രോഗികളുടെ എണ്ണത്തിൽ വർധനവ്: സംസ്ഥാനത്തെ ഇന്നത്തെ കോവിഡ് കണക്കുകൾ പുറത്തുവിട്ട് ആരോഗ്യ വകുപ്പ്
ഇതോടെയാണ് പ്രവാചകനെ നിന്ദിച്ചാൽ തലയറുക്കുമെന്ന് സുനിത ദേവദാസിന് നേരെ ഭീഷണി ഉയർന്നത്. കേരളത്തിൽ ജീവനോടെയെത്തില്ലെന്നും ഭീഷണിയുണ്ട്. ഇതിന് പിന്നാലെയാണ് സുനിതയുടെ സോഷ്യൽ മീഡിയ അക്കൗണ്ടുകൾ അപ്രത്യക്ഷമായിരിക്കുന്നത്.
Post Your Comments