ന്യൂഡല്‍ഹി : രാജ്യത്ത് 12 നും 18നും ഇടയില്‍ പ്രായമുള്ള കുട്ടികള്‍ക്ക് വാക്സിനേഷൻ തുടങ്ങാൻ തീരുമാനം. സെപ്റ്റംബര്‍ മുതല്‍ വാക്സിന്‍ നല്‍കി തുടങ്ങാനാണ് തീരുമാനം. സൈഡസ് വാക്സിൻ നൽകാനുള്ള അനുമതി ആഴ്ചകള്‍ക്കുള്ളില്‍ ലഭ്യമാകുമെന്ന് ബന്ധപ്പെട്ട സമിതി അധ്യക്ഷന്‍ ഡോ. എന്‍.കെ അറോറ പറഞ്ഞു.
‘കൊവാക്സിന്‍ മൂന്നാംഘട്ട പരിശോധന ആരംഭിച്ചിട്ടുണ്ട്. സെപ്റ്റംബര്‍ അവസാനത്തോടെ പൂര്‍ത്തിയാക്കി വാക്സിനേഷന് ഉപയോഗപ്പെടുത്താനാകുമെന്നാണ് കരുതുന്നത്. ജനുവരി- ഫെബ്രുവരിയില്‍ രണ്ടിനും 18നുമിടയില്‍ പ്രായമുള്ള കുട്ടികള്‍ക്കും ലഭ്യമാക്കാനുമാകുമെന്ന് പ്രതീക്ഷിക്കുന്നു’, ഡോ. എന്‍.കെ അറോറ വ്യക്തമാക്കി.
അതേസമയം കോവിഡ് മൂന്നാം തരംഗം കുട്ടികളെ കാര്യമായി ബാധിക്കാനിടയില്ലെന്നാണ് ആരോഗ്യവിദഗ്ധർ പറയുന്നത്.
Post Your Comments