ദുബായ്: രാജ്യത്തെ ഗര്‍ഭിണികള്‍ക്ക് കോവിഡ് വാക്സിന്‍ നല്‍കാന്‍ ആരംഭിച്ചതായി ദുബായ് ആരോഗ്യ വകുപ്പ് (ഡി.എച്ച്‌.എ) അറിയിച്ചു. ഫൈസര്‍ വാക്സിനാണ് എമിറേറ്റിലെ ഗര്‍ഭിണികള്‍ക്കുള്ളത്. ഗര്‍ഭിണികളെ വാക്സിന്‍ സ്വീകരിക്കാവുന്നവരില്‍ ഉള്‍പ്പെടുത്തിയത് അവര്‍ക്ക് ഏറെ ഗുണപ്രദമാണെന്നും ഗര്‍ഭകാലം 13 ആഴ്ച പിന്നിട്ടവര്‍ക്കാണ് വാക്സിന്‍ നല്‍കുകയെന്നും ലത്തീഫ ആശുപത്രി സി.ഇ.ഒ ഡോ. മുന തഹ്ലക് പറഞ്ഞു.
ഡി.എച്ച്‌.എയുടെ എല്ലാ കേന്ദ്രങ്ങളിലും ചൊവ്വാഴ്ച (ജൂൺ-29) മുതല്‍ കുത്തിവെപ്പ് ലഭ്യമാണ്. പുതിയ വിഭാഗം ആളുകളെ വാക്സിന്‍ മുന്‍ഗണനപ്പട്ടികയില്‍ ഉള്‍പ്പെടുത്തുന്നത് മുഴുവന്‍ പേരെയും സുരക്ഷിതരാക്കാനാണെന്നും ഡോ. മുന പറഞ്ഞു. ഡി.എച്ച്‌.എ ആപിലൂടെയോ 800342എന്ന വാട്സ്ആപ് നമ്പറിലൂടെയോ മുന്‍കൂര്‍ ബുക്ക് ചെയ്താണ് കുത്തിവെപ്പിന് എത്തേണ്ടത്. ആരോഗ്യപരമായ പ്രയാസം അനുഭവിക്കുന്നവര്‍ സ്പെഷലിസ്റ്റ് ഡോക്ടര്‍മാരുടെ അനുവാദം തേടിയ ശേഷമാണ് വാക്സിനെടുക്കേണ്ടത്.
Read Also: മാസ്‌കും സാമൂഹിക അകലവുമില്ല: പിഴയായി ഈടാക്കിയ ലക്ഷങ്ങളുടെ കണക്കുകള്‍ പുറത്ത്
വിവിധ രാജ്യങ്ങളില്‍ ഗര്‍ഭിണികളില്‍ കോവിഡ് പ്രസവ സംബന്ധമായ സങ്കീര്‍ണതയും ആരോഗ്യപ്രശ്നങ്ങളും ഉണ്ടാക്കിയതായി കണ്ടെത്തിയിട്ടുണ്ട്. സുരക്ഷിതമായ രൂപത്തില്‍ വാക്സിന്‍ സ്വീകരിക്കുന്നതിലൂടെ അമ്മക്കും കുഞ്ഞിനും പ്രയാസങ്ങളുണ്ടാവില്ലെന്ന് വിവിധ പഠനങ്ങള്‍ തെളിയിച്ചിട്ടുണ്ട്.
Post Your Comments