ദുബൈ: ഇന്ത്യയിൽ നിന്ന് ദുബൈയിലേക്ക് വീണ്ടും സർവീസ് ആരംഭിക്കുന്നതിനെക്കുറിച്ച് വ്യക്തമാക്കി എമിറേറ്റ്സ് എയർലൈൻ. അടുത്തമാസം ഏഴു മുതൽ വിമാന സർവിസ് ആരംഭിക്കാൻ കഴിയുമെന്നാണ് പ്രതീക്ഷിക്കുന്നതെന്നും അതിനായി നിർദ്ദേശം കാത്തിരിക്കുകയാണെന്നും എമിറേറ്റ്സ് എയർലൈൻ ഔദ്യോഗിക ട്വിറ്ററിൽ വ്യക്തമാക്കി.
സർവീസ് ആരംഭിക്കുന്നതിനെക്കുറിച്ചുള്ള യാത്രക്കാരന്റെ ചോദ്യത്തിന് മറുപടിയായാണ് എമിറ്റേറ്റ് ഇക്കാര്യം വ്യക്തമാക്കിയത്. എമിറേറ്റിന്റെ വെബ്സൈറ്റിൽ ജൂലൈ ഏഴുമുതലുള്ള ടിക്കറ്റുകൾക്ക് ബുക്കിംഗ് സൗകര്യം ആരംഭിച്ചിട്ടുണ്ട്. നിലവിൽ എമിറേറ്റ്സ്, ഇത്തിഹാദ്, എയർ ഇന്ത്യ എന്നീ എയർലൈനുകൾ ജൂലൈ ആറ് വരെയാണ് യു.എ.ഇ യാത്രാവിലക്ക് പ്രഖ്യാപിച്ചിരിക്കുന്നത്.
Post Your Comments