ഇന്ധനവിലയിൽ വീണ്ടും വർദ്ധനവ് : സംസ്ഥാനത്ത് പെട്രോള്‍ വില സെഞ്ച്വറിയിലേക്ക്

തിരുവനന്തപുരം : സംസ്ഥാനത്ത് ഇന്ധനവിലയിൽ വീണ്ടും വർദ്ധനവ്. പെട്രോളിന് 26 പൈസയും ഡീസലിന് 8 പൈസയുമാണ് ഇന്ന് കൂട്ടിയത്. ഇതോടെ പെട്രോൾ വില കേരളത്തിലും സെഞ്ച്വറിയിലേക്ക് നീങ്ങി.

Read Also : എന്നെ ഒന്ന് വിളിച്ചിരുന്നേൽ, പോയി അവന് രണ്ടെണ്ണം പൊട്ടിച്ചിട്ട് ഞാൻ മോളെ വിളിച്ചോണ്ട് വന്നേനെ : നടൻ സുരേഷ് ഗോപി  

തിരുവനന്തപുരം പാറശ്ശാലയില്‍ പെട്രോള്‍ ലിറ്ററിന് 99 രൂപ 99 പൈസയായി, ഡീസലിന് 95.62 രൂപ. കോഴിക്കോട് പെട്രോളിന് 98.23 രൂപയായി, ഡീസലിന് 93.43 രൂപയാണ്. കൊച്ചിയില്‍ പെട്രോള്‍ വില 97.86 രൂപയും ഡീസലിന് 94.79 രൂപയുമായി.

ഈ മാസം 12-മത് തവണയാണ് ഇന്ധനവില കൂട്ടിയത്. തെരഞ്ഞെടുപ്പിന് ശേഷം മെയ് നാല് മുതലാണ് എണ്ണ കമ്പനികൾ ദിവസേന വില വര്‍ധന പുനരാരംഭിച്ചത്. രാജസ്ഥാന്‍, മധ്യപ്രദേശ്, മഹാരാഷ്ട്ര, ആന്ധ്രപ്രദേശ്, തെലങ്കാന, ലഡാക്ക്, കര്‍ണാടക എന്നിവിടങ്ങളില്‍ പെട്രോള്‍ വില 100 കടന്നു.