വീടുകയറി ആക്രമണം: പ്രതികൾ പിടിയിൽ

ഇരവിപുരം: വീടുകയറി ആക്രമണം നടത്തിയശേഷം ഒളിവിൽ പോയ സംഘത്തിൽപെട്ട രണ്ടുപേരെ ഇരവിപുരം പൊലീസ് പിടികൂടി. ആക്രമണ സംഘത്തിലുണ്ടായിരുന്ന മറ്റ് പ്രതികൾക്കായി അന്വേഷണം ഊർജിതമാക്കിയതായി അറിയിച്ചു. അയത്തിൽ ഗോപാലശ്ശേരി മലയാളം നഗർ 45 സരസമ്മ ഭവനിൽ വിഷ്ണു (29), മലയാളം നഗർ 42 അഖിൽ നിവാസിൽ അഖിൽ (34) എന്നിവരാണ് അറസ്റ്റിലായത്.

മേയ് മൂന്നിന് പത്തോടെയായിരുന്നു സംഭവം നടക്കുന്നത്. കാറിൽ മാരകായുധങ്ങളുമായി സംഘടിച്ചെത്തിയ സംഘം ഫേസ്​ബുക്ക് വഴി മോശം മെസേജ് അ
യച്ചെന്ന് ആരോപിച്ച്​ അയത്തിൽ സുരഭി നഗർ 196 ഉത്രത്തിൽ മാധവിനെ (20) വീട്ടിൽ കയറി ആക്രമിച്ച് പരിക്കേൽപ്പിക്കുകയുണ്ടായി. ഇയാളെ ആക്രമിക്കുന്നതു കണ്ട് പിടിക്കാനെത്തിയ മാതാപിതാക്കളെയും സഹോദരിയേയും ആക്രമിച്ചശേഷം സംഘം കാറിൽ കയറി രക്ഷപ്പെട്ടു. കൊല്ലം എ.സി.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് ഒളിത്താവളത്തിൽ നിന്ന്​ ഇവരെ പിടികൂടിയത്.

ഇരവിപുരം എസ്.എച്ച്.ഒ ധർമജിത്ത്, എസ്.ഐമാരായ ദീപു, സജികുമാർ, ഷിബു പീറ്റർ, ഷാജി, ജയകുമാർ, എസ്.ഐ ട്രെയിനി വിപിൻ, സി.പി.ഒ വിനു വിജയ് എന്നിവരടങ്ങിയ സംഘമാണ് പ്രതികളെ പിടികൂടിയത്.