കോപ അമേരിക്ക: വിജയവഴിയിൽ തിരിച്ചെത്തി അർജന്റീന

ബ്രസീലിയ: കോപ അമേരിക്കയിൽ വിജയ വഴിയിലേക്ക് തിരിച്ചെത്തി അർജന്റീന. ആദ്യ മത്സരത്തിൽ ചിലിയോട് ഒരു ഗോൾ സമനില വഴങ്ങിയ അർജന്റീന ഇന്ന് കരുത്തരായ ഉറുഗ്വേയെ ഏകപക്ഷീകമായി ഒരു ഗോളിനാണ് പരാജയപ്പെടുത്തിയത്. മത്സരത്തിന്റെ ആദ്യപകുതിയിലെ 13-ാം മിനിറ്റിൽ റോഡ്രിഗസാണ് അർജന്റീനയുടെ വിജയ ഗോൾ നേടിയത്.

കോർണർ പൊസിഷനിൽ നിന്ന് സൂപ്പർതാരം മെസി അളന്നുകുറിച്ച് നൽകിയ ക്രോസ് റോഡ്രിഗസ് പന്ത് മനോഹരമായി ലക്ഷ്യത്തിലെത്തിച്ചു. സൂപ്പർതാരങ്ങളായ മെസി-സുവാരസ് പോരാട്ടമായി വിശേഷിപ്പിക്കപ്പെട്ട മത്സരത്തിന്റെ നിയന്ത്രണം അർജന്റീനയ്ക്ക് തന്നെയായിരുന്നു. നിരവധി അവസരങ്ങളാണ് മെസിയും സംഘത്തിനും ലഭിച്ചത്. എന്നാൽ ഫിനിഷിംങിലെ പോരായ്മകൾ അർജന്റീനക്ക് കൂടുതൽ സ്കോർ ചെയ്യാനായില്ല.

Read Also:- ഹൃദയസംരക്ഷണത്തിന് ഒഴിവാക്കാം ഈ ഭക്ഷണങ്ങള്‍.!

കോപ അമേരിക്കയിലെ മറ്റൊരു മത്സരത്തിൽ കരുത്തരായ ചിലി ഏകപക്ഷീകമായി ഒരു ഗോളിന് ബൊളീവിയയെ പരാജയപ്പെടുത്തി. ആദ്യ പകുതിയിലെ 10-ാം മിനിറ്റിൽ ബെൻ ബ്രെറ്റനാണ് ചിലിയുടെ വിജയ ഗോൾ നേടിയത്. കോപയിൽ ചിലിയുടെ ആദ്യ വിജയമാണിത്. ടൂർണമെന്റിലെ ആദ്യ മത്സരത്തിൽ കരുത്തരായ അർജന്റീനയോട് ചിലി സമനില വഴങ്ങിയിരുന്നു.