ഭോപാല്‍: വാക്സിൻ എടുക്കുക എന്നത് മാത്രമാണ് കോവിഡ് 19 മൂന്നാം തരംഗം നേരിടാനുള്ള ഒരേയൊരു ഉപാധി. ലോകാരോഗ്യ സംഘടനയടക്കം വാക്സിന് അത്രത്തോളം പ്രാധാന്യം നൽകുന്നുണ്ട്. വാക്‌സിന്റെ ഈ പ്രാധാന്യം കണക്കിലെടുത്ത് മധ്യപ്രദേശില്‍ കോവിഡ് വാക്സിനെടുത്തവര്‍ക്ക് ‘ഞാന്‍ ദേശസ്നേഹി’ ബാഡ്ജ് അണിയിച്ച്‌ പൊലീസ് മാതൃകയാകുന്നു.
Also Read:കനത്ത മഴ : മുംബൈ നഗരം വെള്ളത്തിനടിയില്‍
നിവാരി ജില്ലയിലാണ് വാക്സിന് സ്വീകരിച്ച്‌ മടങ്ങിയവര്‍ക്ക് ‘ഞാന്‍ വാക്സിനെടുത്തിരിക്കുന്നു, അതിനാല്‍ ഞാന്‍ ദേശസ്നേഹി” എന്ന ബാഡ്ജ് അണിയിച്ചുനല്‍കിയത്. വാക്സിന് എടുക്കാത്തവര്‍ക്ക് നേരെ തിരിച്ചും ബാഡ്ജ് പിന്‍ചെയ്ത് നല്‍കുന്നുണ്ട്. ‘ഞാന്‍ വാക്സിന് എടുത്തില്ല, അതിനാല്‍ എന്നില്‍ നിന്ന് മാറിനില്‍ക്കുക’. എന്നാണ് ഇവരെ അണിയിച്ച ബാഡ്ജിലുള്ളത്.
വാക്സിൻ ഒരു വ്യക്തിയെ സ്വയം കോവിഡ്-19 ൽനിന്നും പരിരക്ഷിക്കുന്നതിനും അതുപോലെ തന്നെ ഏറ്റവും അടുത്തുളള കുടുംബാംഗങ്ങൾ, സുഹൃത്തുക്കൾ, ബന്ധുക്കൾ, സഹപ്രവർത്തകർ എന്നിവരിലേക്ക് രോഗം പകരാതെ പരിമിതപ്പെടുത്താനും വാക്സിൻ സ്വീകരിക്കുന്നതു വഴി സാധിക്കും.
Post Your Comments