കൊൽക്കത്ത : വിമാനത്താവളത്തിൽ ഇറങ്ങുന്നതിന് മുമ്പ് വിമാനത്തിൽ ഉണ്ടായ കുലുക്കത്തിൽ നിരവധി യാത്രക്കാർക്ക് പരിക്ക്. മുംബൈ-കൊൽക്കത്ത വിസ്താര വിമാനത്തിലാണ് വൻ കുലുക്കം അനുഭവപ്പെട്ടത്. എട്ട് യാത്രക്കാർക്ക് പരുക്കേറ്റു. മൂന്നു പേരുടെ നില അതീവ ഗുരുതരമാണ്.
Read Also : പെട്രോള്‍ വില വർദ്ധനവിൽ പ്രതിഷേധിച്ച്‌ സൗജന്യ പെട്രോൾ വിതരണം നടത്തി യൂത്ത് കോണ്‍ഗ്രസ്
ഇന്നലെ രാത്രിയോടെയാണ് സംഭവം. 113 യാത്രക്കാരുമായി പോയ മുംബൈ-കൊൽക്കത്ത വിമാനത്തിലാണ് പെട്ടെന്ന് വലിയ കുലുക്കം അനുഭവപ്പെടുന്നത്. വിമാനത്താവളത്തിൽ ഇറങ്ങുന്നതിനു തൊട്ടുമുമ്പായി ആണ് വിമാനത്തിൽ കുലുക്കം ഉണ്ടായത്. പരുക്കേറ്റവരെ കൊൽക്കത്തയിലെ ആശുപത്രിയിൽ പ്രവേശിപ്പിച്ചു.
മോശം കാലാവസ്ഥയാണ് അപകടത്തിന് കാരണമെന്നാണ് പ്രാഥമിക നിഗമനം. സംഭവത്തെക്കുറിച്ച് അന്വേഷണം ആരംഭിച്ചു കഴിഞ്ഞതായി വിസ്താര അധികൃതർ അറിയിച്ചു.
Post Your Comments