കേരളത്തിന്റെ ലക്ഷദ്വീപ് പ്രമേയം; ഒരു വരി കൂടി ചേർക്കണമെന്ന് ഡോ ഭാർഗവ റാം

തിരുവനന്തപുരം: ലക്ഷദ്വീപ് അഡ്മിനിസ്‌ട്രേറ്റർക്കെതിരെ കേരളം പ്രമേയം പാസാക്കാൻ ഒരുങ്ങുന്ന വിഷയത്തിൽ പ്രതികരണവുമായി ഡോ ഭാർഗവ റാം. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം.

Read Also: ഇസ്രയേലും ഹമാസും തമ്മിലുണ്ടായ സംഘര്‍ഷത്തിലെ കുറ്റകൃത്യങ്ങളില്‍ അന്വേഷണം; വോട്ടെടുപ്പില്‍ നിന്ന് ഇന്ത്യ വിട്ടുനിന്നു

ലക്ഷദ്വീപ് അഡ്മിനിസ്‌ട്രേറ്ററിനെ പുറത്താക്കാൻ കേരള നിയമസഭ ഒറ്റക്കെട്ടായി പാസാക്കുന്ന പ്രമേയത്തിൽ ഒരു വരി ചേർക്കുവാൻ കൂടി ‘കനിവു’ണ്ടാകണം എന്നാവശ്യപ്പെട്ട് കൊണ്ടാണ് അദ്ദേഹം കുറിപ്പ് എഴുതിയിരിക്കുന്നത്.

2010 ൽ ലക്ഷദ്വീപിൽ എത്തിക്കപ്പെട്ട, എന്നാൽ ചില സമാധാനപ്രിയരുടെ എതിർപ്പ് കൊണ്ടുമാത്രം ഈ നിമിഷം വരെയും സ്ഥാപിക്കാൻ കഴിയാത്ത രാഷ്ട്രപിതാവ് മഹാത്മാ ഗാന്ധിയുടെ അർദ്ധകായപ്രതിമ 2010 ൽ നിശ്ചയിക്കപ്പെട്ട സ്ഥാനത്ത് തന്നെ സ്ഥാപിക്കുവാൻ നടപടിയുണ്ടാകണം – എന്നൊരു വരി കൂടി പ്രമേയത്തിൽ ചേർക്കുമാറാകണമെന്നാണ് ഭാർഗവ റാം പറയുന്നത്. ജനാധിപത്യത്തിന്റെ കാവലാളായി അഭിമാനം കൊള്ളുന്ന കേരള നിയമസഭ യിലെ ‘ബഹുമാനപ്പെട്ട’ സാമാജികർ ഇതു ചെയ്യുമെന്നു തന്നെ പ്രതീക്ഷിക്കുന്നുവെന്നും അദ്ദേഹം പരിഹസിച്ചു.

Read Also: ലോക്ക് ഡൗൺ മാർഗ നിർദ്ദേശങ്ങളിൽ കൂടുതൽ ഇളവുകൾ; ഉത്തരവ് പുറത്തിറങ്ങി

https://www.facebook.com/dr.bhargavaram/posts/3259019230991840