ദേശീയ ജേഴ്സിയിൽ 13-ാം നമ്പർ ഉപേക്ഷിച്ച് മുള്ളർ

ജർമ്മനിയുടെ ദേശീയ ജേഴ്സിയിൽ 13-ാം നമ്പർ ഉപേക്ഷിച്ച് സൂപ്പർതാരം തോമസ് മുള്ളർ. 31കാരനായ മുള്ളർ ജർമനിക്ക് വേണ്ടി ഇതുവരെ 13-ാം നമ്പറിലായിരുന്നു കളിച്ചിരുന്നത്. ബയേൺ മ്യൂണിക്കിലെ ഐക്കോണിക്ക് 25-ാം നമ്പർ തന്നെ ജർമ്മൻ ടീമിലും താരം തിരഞ്ഞെടുത്തിരിക്കുകയാണ്. 581 മത്സരങ്ങൾ ബയേണിന് വേണ്ടി മുള്ളർ 25-ാം നമ്പർ ജേഴ്സി അണിഞ്ഞ് കളിച്ചിട്ടുണ്ട്. അതേസമയം, ബെറൂസിയ മോഷൻഗ്ലാഡ്ബാക്കിന്റെ ജോനാസ് ഹോഫ്മാനായിരിക്കും 13-ാം നമ്പർ ഇനി ജർമനിക്ക് വേണ്ടി അണിയുക.

ജോവക്കിം ലോയുടെ 26 അംഗ ജർമ്മൻ ടീമിൽ ഏറ്റവും അനുഭവ സമ്പത്തുള്ള താരംകൂടിയാണ് മുള്ളർ. ബയേണിനൊപ്പം യൂറോപ്യൻ കിരീടവും ഈ സീസണിൽ ബുണ്ടസ് ലീഗ് കിരീടവും നേടിയാണ് മുള്ളർ ജർമ്മൻ ടീമിൽ തിരികെയെത്തിയത്. യൂറോ 2012ലും 2016ലും സെമിയിൽ ജർമ്മനി എത്തിയെങ്കിലും ഇറ്റലിയോടും(2012), ഫ്രാൻസിനോടും(2016) തോൽവി ഏറ്റുവാങ്ങി ഫൈനൽ കാണാതെ പുറത്തായി. ജർമ്മനിക്ക് വേണ്ടി മുള്ളർ 38 ഗോളുകളും തന്റെ കരിയറിൽ കുറിച്ചിട്ടുണ്ട്.