ഹരാരെ: ക്രിക്കറ്റ് താരത്തിന് ഷൂ വാങ്ങാന്‍ പോലും പണമില്ലാത്തതിന്റെ വേദന പങ്കുവെച്ച് സിംബാബ്വെ ക്രിക്കറ്റ് താരം. ഉടന്‍ താരത്തെ തേടി എത്തിയത് ‘പ്യൂമ’ യുടെ വിളി. സിംബാബ്വെ ദേശീയ ടീമില്‍ അംഗമായ റയാന്‍ ബേളാണ് ഷൂ വാങ്ങാന്‍ പോലും പണമില്ലാതെ, വീണ്ടും, വീണ്ടും ഒട്ടിച്ച് ഉപയോഗിക്കേണ്ടി വരുന്നതിന്റെ പ്രയാസം ട്വിറ്ററിലൂടെ ക്രിക്കറ്റ് ലോകത്തെ അറിയിച്ചത്.
Read Also : ഡോക്ടര്‍മാര്‍ക്കെതിരെ പരാമര്‍ശം നടത്തിയ ബാബാ രാംദേവിനെതിരെ രൂക്ഷവിമര്‍ശനവുമായി റസൂല്‍ പൂക്കുട്ടി
ഷൂ നന്നാക്കുന്നതിന്റെ ചിത്രം സഹിതമാണ് റയാന്‍ ബേള്‍ ട്വീറ്റ് ചെയ്തത്.
‘ ഓരോ പരമ്ബര കഴിയുമ്പോഴും ഷൂ തുന്നിക്കൂട്ടാതിരിക്കാന്‍ ഞങ്ങള്‍ക്ക് സ്പോണ്‍സര്‍മാരെ കിട്ടാന്‍ വല്ല വഴിയുമുണ്ടോ? ബേള്‍ ട്വീറ്റില്‍ കുറിച്ചു.
ട്വീറ്റ് ക്രിക്കറ്റ് ലോകം ഏറ്റെടുത്തതിന്റെ പിന്നാലെ സ്പോണ്‍സര്‍ഷിപ്പ് വാഗ്ദാനവുമായി ‘പ്യൂമ ക്രിക്കറ്റ്’ രംഗത്തെത്തി. താരത്തിന്റെ ട്വീറ്റിന് ട്വിറ്ററില്‍ കൂടെ തന്നെയാണ് പ്യൂമ മറുപടി നല്‍കിയത്. ഇതിന് പിന്നാലെ പ്യൂമ ക്രിക്കറ്റിനും ആരാധകര്‍ക്കും നന്ദി അറിയിച്ച് ബേളും രംഗത്തെത്തി.
Post Your Comments