ഇസ്ലാമാബാദ് : ഇമ്രാൻ ഖാൻ പ്രധാനമന്ത്രി പദത്തിൽ കാലാവധി പൂർത്തിയാക്കുമ്പോഴേക്കും പാകിസ്താൻ ദരിദ്രരാജ്യമാകുമെന്ന് പാകിസ്താൻ പീപ്പിൾസ് പാർട്ടി ചെയർമാൻ ബിലാവൽ ഭൂട്ടോ സർദാരി. കൊറോണ മഹാമാരി വരും മുൻപ് തന്നെ പ്രധാനമന്ത്രി രാജ്യത്തിന്റെ സമ്പദ്‌വ്യവസ്ഥയെ തകർത്തിരുന്നുവെന്നും ബിലാവൽ ഭൂട്ടോ പ്രസ്താവനയിൽ പറഞ്ഞു.
Read Also : വിതരണത്തിനെത്തിച്ച കോവിഡ് വാക്‌സിന്‍ മറിച്ചുവിറ്റ ഡോക്ടറുള്‍പ്പെടെ മൂന്നുപേര്‍ പിടിയില്‍
നിലവിലെ സർക്കാർ കാരണം ഭാവി സർക്കാരുകൾ പോലും പതിറ്റാണ്ടുകളായി ദുരിതമനുഭവിക്കും. ആരും ഗൗരവമായി കാണാത്ത പാകിസ്ഥാനെ എങ്ങനെ നയിക്കാമെന്ന് ബിലാവൽ ഭൂട്ടോ പറഞ്ഞു. ചാരിറ്റബിൾ ഓർഗനൈസേഷന്റെ മാതൃകയിൽ രാജ്യം ഭരിക്കാനുള്ള ഇമ്രാൻ ഖാന്റെ പരീക്ഷണമാണ് പരാജയപ്പെട്ടത് .
സ്വാതന്ത്ര്യലബ്ധിക്കുശേഷം എല്ലാവരും ചെയ്തതിനേക്കാൾ കൂടുതൽ നാശനഷ്ടങ്ങളാണ് ഇമ്രാൻ ഖാൻ പാകിസ്താന് നൽകിയതെന്നും ബിലാവൽ ഭൂട്ടോ കൂട്ടിച്ചേർത്തു .പർവേസ് മുഷറഫിനെപ്പോലെ പണം കൊള്ളയടിച്ച ശേഷം ഇമ്രാൻ ഖാനും അനുയായികളും ലണ്ടനിലേക്ക് കടക്കും . പാകിസ്താൻ തെഹ്രീക് ഇൻ ഇൻസാഫ് ചെയ്ത ഏറ്റവും വലിയ കുറ്റകൃത്യം രാജ്യത്തെ യുവാക്കളുടെ പ്രതീക്ഷകൾ അവസാനിപ്പിച്ചതാണെന്നും ബിലാവൽ ഭൂട്ടോ കുറ്റപ്പെടുത്തി.
Post Your Comments