ക്രിസ്റ്റിയാനോ റൊണാൾഡോ യുവന്റസ് വിടുമെന്നുള്ള അഭ്യുഹങ്ങളെ തള്ളി യുവന്റസ് ഇതിഹാസവും ക്ലബിന്റെ വൈസ് പ്രസിഡന്റുമായ പാവെൽ നെദ്വെദ്. റൊണാൾഡോയെ തൊടാൻ ആരായും അനുവദിക്കില്ല. റൊണാൾഡോ ഈ ക്ലബിന്റെ നെടുംതൂണാണെന്നും റൊണാൾഡോയെ നിലനിർത്തുമെന്നും നെദ്വെദ് പറഞ്ഞു. പിർലോയിൽ തങ്ങൾക്ക് വിശ്വാസമുണ്ട്. അദ്ദേഹം അടുത്ത സീസണിലും യുവന്റസ് പരിശീലകനായി ടീമിൽ ഉണ്ടാകുമെന്നും നെദ്വെദ് വ്യക്തമാക്കി.
കഴിഞ്ഞ ദിവസം യുവന്റസ് ക്ലബ് പ്രസിഡന്റും ഈ വാക്കുകൾ തന്നെ ആവർത്തിച്ചിരുന്നു. അഭ്യുഹങ്ങളിൽ യാഥാർത്ഥ്യമില്ല എന്നും ക്ലബ് റൊണാൾഡോയിലും പിർലോയിലും സന്തുഷ്ടനാണെന്നും ക്ലബ് പ്രസിഡണ്ട് വ്യക്തമാക്കി. എന്നാൽ പിർലോയെ പരിശീലക സ്ഥാനത്ത് നിന്ന് മാറ്റണമെന്ന് ആരാധകരിൽ ഒരു വിഭാഗം ആവശ്യപ്പെട്ടിരുന്നു.
Post Your Comments