തിരുവനന്തപുരം: തിരക്കഥാകൃത്തും അഭിനേതാവും സാഹിത്യകാരനുമായ മാടമ്പ് കുഞ്ഞുക്കുട്ടന്റെ വിയോഗത്തിൽ അനുശോചനം അറിയിച്ച് സുരേഷ് ഗോപി. ഫേസ്ബുക്കിലൂടെയായിരുന്നു താരം അദ്ദേഹത്തിന് ആദരാഞ്ജലികൾ അർപ്പിച്ചത്.
കുഞ്ഞുക്കുട്ടന്റെ ചിത്രവും അദ്ദേഹം പങ്കുവെച്ചിട്ടുണ്ട്. ചിത്രത്തിനൊപ്പം പ്രണാമം എന്ന കുറിപ്പോടെയാണ് സുരേഷ് ഗോപി അദ്ദേത്തിന് ശ്രദ്ധാഞ്ജലി അർപ്പിച്ചത്. ഇന്ന് രാവിലെയാണ് മാടമ്പ് കുഞ്ഞുക്കുട്ടൻ അന്തരിച്ചത്. തൃശൂരിലെ ആശുപത്രിയിൽ കോവിഡ് ബാധിച്ച് ചികിത്സയിൽ കഴിയവെയായിരുന്നു അന്ത്യം.
വടക്കുംനാഥൻ, പോത്തൻവാവ, അഗ്നിനക്ഷത്രം, കരുണം, അഗ്നിസാക്ഷി, ചിത്രശലഭം, ദേശാടനം, അശ്വത്ഥാമാവ് എന്നിവ അടക്കം ഇരുപതോളം ചിത്രങ്ങളിൽ അദ്ദേഹം വേഷമിട്ടിട്ടുണ്ട്. നിരവധി ചിത്രങ്ങൾക്ക് അദ്ദേഹം തിരക്കഥ രചിക്കുകയും ചെയ്തിട്ടുണ്ട്.
Post Your Comments