ട്രെ​യി​നി​ൽ ആക്രമണം; പ്ര​തി​യെ ഉ​ട​ൻ പി​ടി​കൂ​ടു​മെ​ന്ന് സ​ർ​ക്കാ​ർ ഹൈ​ക്കോ​ട​തി​യി​ൽ

കൊ​ച്ചി: ട്രെ​യി​നി​ൽ യു​വ​തി​യെ ആ​ക്ര​മി​ച്ച് സ്വ​ർ​ണം ക​വ​ർ​ന്ന കേ​സി​ലെ പ്ര​തി​യെ ഉ​ട​ൻ പി​ടി​കൂ​ടു​മെ​ന്ന് സംസ്ഥാന സ​ർ​ക്കാ​ർ ഹൈ​ക്കോ​ട​തി​യി​ൽ വ്യക്തമാക്കി. പ്ര​തി​യെ തി​രി​ച്ച​റി​ഞ്ഞെ​ന്നും സ​ർ​ക്കാ​ർ കോ​ട​തി​യെ അ​റി​യി​ച്ചു. ട്രെയിൻ യാത്രയിൽ സ്ത്രീകളുടെ സു​ര​ക്ഷ ഉ​റ​പ്പാ​ക്കാ​ൻ വേ​ണ്ട നി​ർ​ദേ​ശ​ങ്ങ​ൾ സ​ർ​പ്പി​ക്ക​ണ​മെ​ന്നും കോ​ട​തി ആ​വ​ശ്യ​പ്പെ​ട്ടു.

യു​വ​തി​യെ ആ​ക്ര​മി​ച്ച സം​ഭ​വ​ത്തി​ൽ സ്വ​മേ​ധ​യ കേ​സെ​ടു​ത്ത ഹൈ​ക്കോ​ട​തി, സം​ഭ​വ​ത്തി​ൽ പോ​ലീ​സി​നോ​ടും റെ​യി​ൽ​വേ​യോ​ടും ഹൈ​ക്കോ​ട​തി വി​ശ​ദീ​ക​ര​ണം തേ​ടി​യി​രു​ന്നു. കേ​സി​ലെ പ്ര​തി​യെന്ന് സംശയിക്കുന്ന ആ​ല​പ്പു​ഴ നൂ​റ​നാ​ട് സ്വ​ദേ​ശി ബാ​ബു​ക്കു​ട്ട​നെ ക​ണ്ടെ​ത്താ​ൻ റെയി​ൽ​വേ പോ​ലീ​സ് ലുക്ക് ഔട്ട് നോ​ട്ടീ​സ് പുറത്തിറക്കി.

ബു​ധ​നാ​ഴ്ച രാ​വി​ലെ ഗു​രു​വാ​യൂ​ർ-​പു​ന​ലൂ​ർ പാ​സ​ഞ്ച​ർ ട്രെ​യി​നി​ൽ യാ​ത്ര ചെ​യ്യു​ന്ന​തി​നി​ടെ​യാ​ണ് മു​ള​ന്തു​രു​ത്തി സ്വ​ദേ​ശി​നി ആ​ശ​യ്ക്ക് നേ​രെ ആ​ക്ര​മ​ണ​മു​ണ്ടാ​യ​ത്. ഇ​വ​ർ എ​റ​ണാ​കു​ളം മെഡി​ക്ക​ൽ ട്ര​സ്റ്റ് ആ​ശു​പ​ത്രി​യി​ൽ ഐ.​സി​.യു​.വി​ലാ​ണ്. അതേസമയം, പ്ര​തി​യെ ഉ​ട​ൻ പി​ടി​കൂ​ടു​മെ​ന്ന് റെ​യി​ൽ​വേ പോ​ലീ​സ് സു​പ്ര​ണ്ട് എ​സ്. രാ​ജേ​ന്ദ്ര​ൻ പറഞ്ഞു. പ്രതിക്കായി ര​ണ്ട് ഡി​.വൈ.എസ്.പിമാ​ർ ഉ​ൾ​പ്പെ​ടു​ന്ന ഇ​രു​പ​ത് അം​ഗ സംഘം തെ​ര​ച്ചി​ൽ ന​ട​ത്തു​ന്നുണ്ട്.