‘ഹനുമാൻ സ്വാമി നാടിനെ രക്ഷിക്കുമോ’ സന്തോഷ് കീഴാറ്റൂരിന്റെ ചൊറിയാൻ കമന്റ്; തക്ക മറുപടി നൽകി ഉണ്ണി മുകുന്ദൻ

നടൻ ഉണ്ണി മുകുന്ദൻ പോസ്റ്റ് ചെയ്ത ഹനുമാൻ ജയന്തി ആശംസയ്ക്ക് പരിഹാസ കമന്റുമായി നടൻ സന്തോഷ് കീഴാറ്റൂർ. ഉണ്ണി മുകുന്ദൻ കമന്റിന് മറുപടി കൊടുക്കുകയും, ഒട്ടേറെപ്പേർ ഉണ്ണിമുകുന്ദനെ അനുകൂലിക്കുകയും, സന്തോഷിന്റെ കമന്റിനോട് വിയോജിച്ച് പ്രതികരിക്കുകയും ചെയ്തിട്ടുണ്ട്.

ഹനുമാൻ ജയന്തി ആശംസ പോസ്റ്റിൽ ഒരു കയ്യിൽ ഹനുമാൻ ശിൽപ്പമേന്തി നിൽക്കുന്ന തന്റെ ചിത്രവും ഹനുമാന്റെ ചിത്രവുമാണ് ഉണ്ണി പോസ്റ്റ് ചെയ്ത് ആശംസിച്ചത്. പോസ്റ്റിന് തലക്കെട്ടായി ഹനുമാൻ ജയന്തി ആശംസകൾ എന്ന കുറിപ്പും ഉണ്ടായിരുന്നു. അതിനു താഴെയാണ് ‘ഹനുമാൻ സ്വാമി കോറോണയിൽ നിന്നും നാടിനെ രക്ഷിക്കുമോ’ എന്നാണ് സന്തോഷിന്റെ കമന്റ്.

ഇതിന് ഉണ്ണി മറുപടി നൽകി. മറുപടി ഇങ്ങനെ, ചേട്ടാ… നമ്മൾ ഒരുമിച്ച് അഭിനയിച്ചവരാ. അതുകൊണ്ടു മാന്യമായി പറയാം. ഞാൻ ഇവിടെ ഈ പോസ്റ്റ് ഇട്ടത് ഞാൻ വിശ്വസിക്കുന്ന ദൈവത്തിന്റെ മുന്നിൽ എല്ലാവർക്കും വേണ്ടി പ്രാർത്ഥിച്ചിട്ടാണ്. ഇതേ പോലുള്ള കമന്റ് ഇട്ടു സ്വന്തം വില കളയാതെ.. btb, What keeps you high in these days?!’ എന്നാണ് ഉണ്ണിയുടെ മറുപടി.