കോഴിക്കോട്; ജാമ്യത്തിലിറങ്ങി മുങ്ങിയ പോക്സോ കേസ് പ്രതിയെ പോലീസ് പിടികൂടി. കക്കാടംപൊയിലിലെ റിസോർട്ടിൽ ചിക്കമഗളൂരു സ്വദേശിയായ പതിനാറുകാരിയെ പീഡിപ്പിച്ച കേസിൽ പ്രതിയായ തുറക്കൽ സ്വദേശി നിസാറിനെയാണ് (40) കൊണ്ടോട്ടി പൊലീസിന്റെ സഹായത്തോടെ തിരുവമ്പാടി പൊലീസ് അറസ്റ്റ് ചെയ്തിരിക്കുന്നത്. 2019 ഫെബ്രുവരിയിലാണ് സംഭവം ഉണ്ടായിരിക്കുന്നത്.
അറസ്റ്റിലായ നിസാറിന് പിന്നീട് കോടതി ജാമ്യം അനുവദിച്ചിരുന്നു. എന്നാൽ അതേസമയം അന്വേഷണ ഉദ്യോഗസ്ഥന് മുന്നിൽ ഹാജരാകണം, പാസ്പോർട്ട് സമർപ്പിക്കണം തുടങ്ങിയ ജാമ്യവ്യവസ്ഥകൾ പാലിക്കാത്തതിനാൽ ജാമ്യം റദ്ദാക്കി വാറന്റ് പുറപ്പെടുവിക്കുകയായിരുന്നു ഉണ്ടായത്. ഇന്നലെ മറ്റൊരു കേസുമായി ബന്ധപ്പെട്ടു കൊണ്ടോട്ടി പൊലീസാണ് നിസാറിനെ കസ്റ്റഡിയിലെടുത്തത്. തുടർന്നു തിരുവമ്പാടി പൊലീസെത്തി അറസ്റ്റ് രേഖപ്പെടുത്തി.
Post Your Comments