ആരോഗ്യ രംഗത്തെ ​കേരളത്തിന്‍റെ മികവിനെ പ്രശംസിച്ച്​ മുതിർന്ന മാധ്യമ പ്രവർത്തകൻ

ന്യൂഡൽഹി : കോവിഡ് കാലത്തെ കേരളത്തിന്‍റെ ആരോഗ്യ രംഗത്തിലെ മികവിനെ പ്രശംസിച്ച്​ മുതിർന്ന മാധ്യമപ്രവർത്തകൻ രാജ്ദീപ് സർദേസായ്. കേരളത്തിൽ നിന്നും മറ്റു സംസ്ഥാനങ്ങൾക്ക്​ പഠിക്കാനും സ്വീകരിക്കാനും ധാരാളം ഉണ്ടെന്നും രാജ്ദീപ് സർദേസായ് പറഞ്ഞു. ട്വിറ്ററിലൂടെയാണ് അദ്ദേഹം ഇക്കാര്യം പറഞ്ഞത്.

”പൊതുജനാരോഗ്യത്തിൽ നിക്ഷേപം നടത്തുന്ന കേരള മാതൃകയെ പ്രശംസിച്ച​ എന്നെ വിമർശിക്കുന്നവരുടെ അറിവിലേക്കായി ഇതാ മറ്റൊരു വസ്​തുത കൂടി പറയുന്നു: കേരളം ഓക്​സിജൻ മിച്ചമുള്ള സംസ്ഥാനമാണ്​. മാത്രമല്ല കഴിഞ്ഞ വർഷം ഓക്​സിജൻ സംഭരണം 58% വർധിപ്പിക്കുകയും ചെയ്​തു. ഇതിൽ നിന്നും മറ്റു സംസ്ഥാനങ്ങൾക്ക്​ പഠിക്കാനും സ്വീകരിക്കാനും ധാരാളമുണ്ട്​: ആരോഗ്യരംഗത്ത്​ നിക്ഷേപം വർധിപ്പിക്കുകയല്ലാതെ മറ്റൊരു മാർഗവുമില്ല” – രാജ്ദീപ് സർദേസായ് ട്വിറ്റ് ചെയ്തു.

Read Also : പിണറായി സർക്കാരിന്റെ കുരുട്ടു ബുദ്ധി തുറന്നു കാട്ടി സന്ദീപ് വാചസ്പതി

കോവിഡിന്‍റെ ആദ്യ ഘട്ടങ്ങളിൽ കേരളം സ്വീകരിച്ച പ്രതിരോധ നടപടികളെ പ്രശംസിച്ചും രാജ്ദീപ് സർദേസായ് നേരത്തേ രംഗത്തെത്തിയിരുന്നു.