സ്വർണവിലയിൽ വൻ വർധന; ഒരു പവന്റെ വിലയറിയാം

കൊച്ചി: സംസ്ഥാനത്ത് സ്വര്‍ണ വിലയില്‍ വര്‍ധന. പവന് 200 രൂപ വര്‍ധിച്ച് 36,080 ആയി ഉയർന്നിരിക്കുന്നു. ഗ്രാം വില 25 രൂപ കൂടി 4510 ആയിരിക്കുന്നു. ഈ മാസം സംസ്ഥാനത്ത് രേഖപ്പെടുത്തുന്ന ഉയര്‍ന്ന സ്വര്‍ണ വിലയാണ് ഇന്നത്തേത്. വില 36,000ന് മുകളില്‍ എത്തുന്നത് ആഴ്ചകള്‍ക്കു ശേഷമാണ്.

ഈ മാസം തുടക്കത്തിലാണ് സമീപ ദിവസങ്ങളിലെ കുറഞ്ഞ വില രേഖപ്പെടുത്തിയത്-33,320. തുടര്‍ന്ന് ഏറിയും കുറഞ്ഞും നിന്ന വില കഴിഞ്ഞ ദിവസങ്ങളില്‍ വര്‍ധിക്കുകയായിരുന്നു ഉണ്ടായത്. പതിനാറിന് മുപ്പത്തി അയ്യായിരം കടന്ന വില ഒരാഴ്ച കൊണ്ടാണ് 36,000ന് മുകളില്‍ എത്തിയിരിക്കുന്നത്. കോവിഡ് രണ്ടാം തരംഗത്തെത്തുടര്‍ന്ന രാജ്യാന്തര സമ്പദ് വിപിണിയിലുണ്ടായ തകര്‍ച്ചയെത്തുടര്‍ന്ന് നിക്ഷേപകര്‍ സ്വര്‍ണത്തിലേക്കു തിരിഞ്ഞെന്നാണ് വിലയിരുത്തല്‍.