പൊട്ടാസ് ബോംബിലൂടെ അഭിനയ ജീവിതത്തിന് തുടക്കമിട്ട താരമാണ് അനു സിത്താര. ആരാധകരുടെ പ്രിയതാരമാണ് നടിയിപ്പോൾ. കഴിഞ്ഞ ദിവസം മലയാളത്തിലെ ഒരു ചാനലില്‍ എംജി ശ്രീകുമാര്‍ അവതാരകനായ പറയാം നേടാന് പരിപാടിയില്‍ പങ്കെടുക്കാന്‍ എത്തിയ താരം രസകരമായ കുറേ വിശേഷങ്ങൾ പങ്കുവെയ്ക്കുകയുണ്ടായി.
Also Read:മകളുടെ മരണശേഷവും സനു മോഹൻ സന്തോഷവാനായിരുന്നുവെന്ന് വെളിപ്പെടുത്തൽ; കൂടുതൽ വിവരങ്ങൾ പുറത്ത്
കാവ്യ മാധവനെപ്പോലെയുണ്ട് കാണാനെന്ന് കുറേ പേര്‍ തന്നോട് പറഞ്ഞിട്ടുണ്ടെന്ന് വെളിപ്പെടുത്തുകയാണ് താരം. അത്രയൊന്നുമില്ലെങ്കിലും അത് കേള്‍ക്കുമ്പോള്‍ സന്തോഷമാണ് തോന്നുന്നതെന്നാണ് അനു പറയുന്നത്. ‘കാവ്യ മാധവന്‍റെ ഛായ ഉണ്ടെന്ന് ഒത്തിരി പേര്‍ പറഞ്ഞിട്ടുണ്ട്. അത്രയ്‌ക്കൊന്നും ഇല്ലെങ്കിലും കേള്‍ക്കുമ്പോള്‍ വലിയ സന്തോഷമാണ്. അങ്ങനെ പറയുന്നത് കൊണ്ട് ദോഷം ഒന്നും ഉണ്ടായിട്ടില്ല. കാവ്യ ചേച്ചിയോടുള്ള ഇഷ്ടത്തില്‍ കുറച്ചൊക്കെ എനിക്കും കിട്ടിയിട്ടുണ്ടാവുമെന്ന വിശ്വാസമുണ്ട്. കാവ്യ ചേച്ചിയെ പോലുണ്ടെന്ന് പറയുമ്പോള്‍ ഞാന്‍ കണ്ണാടിയില്‍ നോക്കി നില്‍ക്കാറുണ്ട്. എനിക്കിത് വരെ അങ്ങനെ തോന്നിയിട്ടില്ല’.- അനു വ്യക്തമാക്കി.
അതുപോലെ, തനിക്ക് പോലീസ് ആകണമെന്നായിരുന്നു ചെറുപ്പത്തിൽ ആഗ്രഹമെന്ന് അനു പറയുന്നു. വണ്ടിയില്‍ പോകുമ്പോള്‍ വഴക്ക് കാണുമ്പോള്‍ ഇറങ്ങി ചെന്ന് ഇടപെട്ട് പരിഹരിക്കണമെന്ന് തോന്നിയിട്ടുണ്ട്. പക്ഷേ, ഇപ്പോള്‍ നമുക്ക് പവര്‍ ഇല്ലല്ലോ. പോലീസ് ആയിരുന്നെങ്കില്‍ പവര്‍ ഉണ്ടല്ലോ എന്നും അനു സിത്താര പറഞ്ഞു. സിനിമകളില്‍ തനിക്ക് ഇതുവരേയും പോലീസ് കഥാപാത്രങ്ങള്‍ അവതരിപ്പിക്കാന്‍ സാധിച്ചിട്ടില്ലെന്നും അത്തരമൊരു കഥാപാത്രം കിട്ടിയാൽ അടിപൊളി ആയിരിക്കുമെന്നും നടി പറയുന്നു.
Post Your Comments