ഒപ്പമുണ്ടായിരുന്നതിന് കടപ്പെട്ടിരിക്കുന്നു, ഡോക്ടർമാക്കും ജീവനക്കാർക്കും നന്ദി; പിണറായി വിജയൻ

കോവിഡിൽ നിന്നും മോചനം നേടി ആശുപത്രി വിട്ടതിന്​ ശേഷം കൂടെയുണ്ടായിരുന്നതിന് നന്ദി പറഞ്ഞ്​ മുഖ്യമന്ത്രി പിണറായി വിജയന്‍. ജനങ്ങളിൽ നിന്ന് മാനസികമായ വലിയ പിന്തുണയാണ് ലഭിച്ചതെന്നും കോഴിക്കോട്​ മെഡിക്കല്‍ കോളേജിലെ ഡോക്ടര്‍മാരും, ജീവനക്കാരും മികച്ച പരിചരണമാണ്​ ലഭ്യമാക്കിയതെന്നും അദ്ദേഹം ഫേസ്​ബുക്ക് പോസ്റ്റിൽ കുറിച്ചു.

മുഖ്യമന്ത്രിയുടെ ഫേസ്​ബുക്ക്​ പോസ്​റ്റിന്‍റെ പൂര്‍ണരൂപം

കോവിഡ് രോഗവിമുക്തി നേടിയതിനെത്തുടര്‍ന്ന് ഇന്ന് ആശുപത്രിയിലെ ചികിത്സ അവസാനിപ്പിച്ച്‌ വീട്ടിലേയ്ക്ക് മടങ്ങാന്‍ സാധിച്ചു. മികച്ച രീതിയിലുള്ള പരിചരണമാണ് കോഴിക്കോട് ഗവണ്‍മെന്റ് മെഡിക്കല്‍ കോളേജിലെ ഡോക്ടര്‍മാരും മറ്റു ജീവനക്കാരും ലഭ്യമാക്കിയത്. ഈ ഘട്ടത്തില്‍ മാനസികമായ വലിയ പിന്തുണയാണ് ജനങ്ങളില്‍ നിന്നും ലഭിച്ചത്. ഒപ്പമുണ്ടായതിന് എല്ലാവരോടും കടപ്പെട്ടിരിക്കുന്നു. എല്ലാവരോടും ഹൃദയപൂര്‍വ്വം നന്ദി പറയുന്നു.