മദ്യലഹരിയിൽ കുടുംബത്തിലെ നാലു കുട്ടികൾ ഉൾപ്പെടെ ആറുപേരെ ചുട്ടുകൊന്നു

വീരാജ്​പേട്ട: മദ്യലഹരിയിൽ കുടുംബത്തിലെ നാലു കുട്ടികൾ ഉൾപ്പെടെ ആറുപേരെ ദാരുണമായി ചുട്ടുകൊന്നു. കുടകിലെ പൊന്നംപേട്ടക്കടുത്ത ഹൈസൊഡലൂരിലാണ്​ നാടിനെ നടുക്കിയ ദുരന്തം ഉണ്ടായിരിക്കുന്നത്. മുഗുട്ടഗേരിയിലെ കെ.എം. ചിട്ടിയപ്പ വസന്ത്​ എന്നയാളുടെ എസ്​റ്റേറ്റിലെ ജീവനക്കാരനായ പണി എരവ സമുദായത്തിലെ ബോജയാണ്​ (52)​ മദ്യലഹരിയിൽ സ്വന്തം കുടുംബത്തിലെ ആറുപേരെ പെട്രോൾ ഒഴിച്ച്​ ചുട്ടു കൊന്നിരിക്കുന്നത്​.

ശനിയാഴ്​ച പുലർച്ചെ രണ്ടോടെയാണ്​ ഞെട്ടിക്കുന്ന ക്രൂര സംഭവം. ബോജ​െൻറ ഭാര്യ ബേബി (41), ബേബിയുടെ മാതാവ്​ സീതെ (58), പ്രാർഥന (ആറ്​) എന്നിവർ സംഭവ സ്​ഥലത്തും, ബോജ​​െൻറ പേരമക്കളായ പ്രകാശ്​ (ആറ്​), വിശ്വാസ്​ (മൂന്ന്​), അവിനാശ്​ (ഏഴ്​) എന്നിവർ മൈസൂരിലെ കെ.ആർ. ആശുപത്രിയിലുമാണ്​ മരിച്ചിരിക്കുന്നത്​. ബോജ​െൻറ മകൻ മഞ്​ജുവും തോലനും രക്ഷപ്പെട്ടു.

ഭാര്യയുമായി വഴക്കുണ്ടാക്കിയ​ ബോജ കുടുംബത്തെ ചുട്ടുകരിക്കുകയായിരുന്നുവെന്ന്​ പൊലീസ്​ പറഞ്ഞു. നിത്യവും വഴക്കുണ്ടാക്കുന്നത്​ കാരണം ബേബിയും മക്കളും പേരമക്കളും മറ്റൊരു തോട്ടത്തിലെ വീട്ടിലായിരുന്നു താമസിച്ചിരുന്നത്. രാത്രി ബോജ വീടി​െൻറ കതകുകൾ പുറത്തുനിന്നും താഴിട്ട്​ പൂട്ടി മുകളിൽ കയറി ഓടുകൾ എടുത്ത്​ പെട്രോൾ ഒഴിച്ചാണ്​​ കൊലപാതകം നടത്തിയത്​. സംഭവത്തിനുശേഷം ബോജ ഓടിരക്ഷപ്പെടുകയുണ്ടായി. ഇയാൾക്കു വേണ്ടി പൊലീസ്​ തിരച്ചിൽ തുടരുന്നു.

കാനൂർ ഗ്രാമത്തെ നടുക്കിയ സംഭവത്തിൽ ഗ്രാമത്തിലുള്ളവർക്ക്​ ശനിയാഴ്​ച നേരം പുലർന്നത്​ ഇൗ ദുരന്ത വർത്ത കേട്ടായിരുന്നു. ​പൊന്നംപേട്ട പൊലീസ്​ കേസെടുത്തിട്ടുണ്ട്​. മൃതദേഹങ്ങൾ ഗോണിക്കുപ്പ ആശുപത്രിയിൽ ഇൻക്വസ്​റ്റ്​ നടത്തുകയുണ്ടായി. തെക്കൻ മേഖല ഐ.ജി മധുകർ പവാർ, എസ്​.പി. ക്ഷമാ മിശ്ര എന്നിവർ സ്​ഥലം സന്ദർശിച്ചു.