കോഴിക്കോട്: മാഹി റെയിൽവേ സ്റ്റേഷന് സമീപം അഴിയൂരിൽ ബോംബുകൾ കണ്ടെത്തി. പുളിയേരി നടഭാഗം ഒതയോത്ത് പരവന്റെവിടയിലെ റെയിൽവേ സ്റ്റേഷന് സമീപത്തെ ഒഴിഞ്ഞ പറമ്പിലാണ് ബോംബുകൾ കണ്ടെത്തിയത്. ഒരു സ്റ്റീൽ ബോംബും അഞ്ച് നാടൻ ബോംബുകളും ഉൾപ്പെടെ ആറു ബോംബുകളാണ് കണ്ടെടുത്തത്.
Read Also: ബംഗ്ലാദേശിലെ കാളിക്ഷേത്രത്തിൽ ദർശനം നടത്തി പ്രധാനമന്ത്രി
അയൽവാസിയായ സ്ത്രീ പറമ്പിലെ നാഗത്തറയിൽ വിളക്ക് കത്തിയ്ക്കാൻ എത്തിയപ്പോഴാണ് ബോംബ് ശ്രദ്ധയിൽപ്പെടുന്നത്. തുടർന്ന് നാട്ടുകാർ സ്ഥലത്ത് തടിച്ചുകൂടി. നാട്ടുകാരാണ് പോലീസിൽ വിവരം അറിയിച്ചതും. പിന്നീട് പോലീസും ബോംബ് സ്‌ക്വാഡും സ്ഥലത്തെത്തി ബോംബുകൾ കസ്റ്റഡിയിലെടുത്തു.
Read Also: തിരഞ്ഞെടുപ്പ് പ്രചാരണത്തിനിടെ കനത്ത മഴ ; സംഘാടകരെ വേദിയിൽ വെച്ച് ശകാരിച്ച് മുഖ്യമന്ത്രി
ആളൊഴിഞ്ഞ മേഖലയായതിനാൽ രാത്രികാലങ്ങളിൽ അപരിചിതർ സ്ഥലത്ത് എത്താറുണ്ടെന്ന് പ്രദേശവാസികൾ പറയുന്നു. വലിയ ഗ്രൗണ്ട് ഉൾപ്പെടെയുള്ളവർ പ്രദേശം രാത്രി കാലങ്ങളിൽ സാമൂഹിക വിരുദ്ധരുടെ താവളമായി മാറിയിരിക്കുകയാണ്. പ്രദേശത്ത് പോലീസിന്റെ നിരീക്ഷണം ശക്തമാക്കണമെന്നാണ് നാട്ടുകാരുടെ ആവശ്യം.
Post Your Comments