Jannah Theme License is not validated, Go to the theme options page to validate the license, You need a single license for each domain name.
Latest NewsKeralaNattuvarthaNewsCrime

സിപിഎം പ്രവർത്തകനെ വെട്ടിക്കൊന്നു; കൊലപ്പെടുത്തിയത് സിപിഐ പ്രവർത്തകർ

അതിര്‍ത്തി തര്‍ക്കം കൊലപാതകത്തില്‍ കലാശിച്ചു

തൃശൂര്‍: ചാലക്കുടിയില്‍ സിപിഎം പ്രവര്‍ത്തകന്‍ വെട്ടേറ്റു മരിച്ചു. പരിയാരം സ്വദേശി ഡേവിസ് ആണ് മരിച്ചത്. പരിയാരം മുനിപ്പാറയിൽ ഇന്നലെയാണ് സംഭവം. കൊലപാതകത്തിന് പിന്നില്‍ സിപിഐ പ്രവര്‍ത്തകരാണെന്നാണ് പൊലീസിൻ്റെ പ്രാഥമിക നിഗമനം.

അതിര്‍ത്തി തര്‍ക്കത്തെ തുടർന്നുണ്ടായ സംഘർഷമാണ് കൊലപാതകത്തിൽ കലാശിച്ചതെന്നാണ് സൂചന. നേരത്തെ വഴി സംബന്ധിച്ച്‌ തര്‍ക്കവും വഴക്കും ഇവിടെ ഉണ്ടായിട്ടുള്ളതാണ്. സംഭവത്തിൽ ഡേവിസിന്റെ പേരില്‍ കേസുമുണ്ട്. അയൽവാസിയായ യുവാവുമായി ശനിയാഴ്ച രാവിലെയും വഴിയുടെ പേരില്‍ ഡേവിസ് വഴക്കുണ്ടാക്കി. മൂന്ന് പേര്‍ ഡേവിസിനെ മര്‍ദ്ദിക്കുകയും വെട്ടുകയും ചെയ്തു. കാലിന് താഴെയാണ് വെട്ടേറ്റത്. അടിപിടിക്കിടയിൽ ഒരാൾ ഡേവിസിൻ്റെ വയറ്റിൽ ആഞ്ഞ് ചവുട്ടി.

ബഹളം കേട്ട് നാട്ടുകാർ ഓടിയെത്തിയപ്പോഴേക്കും ആക്രമികൾ രക്ഷപെട്ടു. ഡേവിസിനെ നാട്ടുകാരും ബന്ധുക്കളും ചേർന്ന് എറണാകുളം രാജഗിരി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. എതിരാളികള്‍ വയറ്റില്‍ ചവിട്ടിയതാണ് മരണകാരണമെന്നറിയുന്നു.

shortlink

Related Articles

Post Your Comments

Related Articles


Back to top button