രാഷ്ട്രീയ ജീവിതത്തിലെ ആദ്യ പോരാട്ടം ബംഗ്ലാദേശിന്‍റെ സ്വാതന്ത്ര്യത്തിന് വേണ്ടിയായിരുന്നുവെന്ന് പ്രധാനമന്ത്രി നരേന്ദ്രമോദി.ബംഗ്ലാദേശിന്‍റെ അമ്പതാം സ്വാതന്ത്ര്യ ദിനാഘോഷത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം.
തന്റെ ജീവിതത്തിലെ പ്രധാനപ്പെട്ട ഒരു സംഭവമാണ് ബംഗ്ലാദേശിന് വേണ്ടിയുള്ള സ്വാതന്ത്ര്യ സമരമെന്ന് അദ്ദേഹം വ്യക്തമാക്കി. താനും കൂട്ടാളികളും ബംഗ്ലാദേശിന് വേണ്ടി ഇന്ത്യയില്‍ സത്യാഗ്രഹമിരുന്നുവെന്നും, ബംഗ്ലാദേശിന് വേണ്ടിയുള്ള സമരത്തില്‍ ജയില്‍വാസം അനുഭവിച്ചിട്ടുണ്ടെന്നും മോദി പറഞ്ഞു. രണ്ട് ദിവസത്തെ ബംഗ്ലാദേശ് സന്ദര്‍ശനത്തിന്റെ ഭാഗമായി ധാക്കയില്‍ എത്തിയതായിരുന്നു മോദി.
ബംഗ്ലാദേശ് സമരത്തിനിടെ ജീവത്യാഗം ചെയ്ത ധീര സൈനികരെയും, കൂടെ നിന്ന ഇന്ത്യക്കാരെയും അനുസ്മരിക്കാതെ ഈ ദിനം പൂര്‍ത്തിയാകില്ലെന്നും, അവരെ നാം ഒരിക്കലും മറവിക്ക് വിട്ടുകൊടുക്കരുതെന്നും മോദി പറഞ്ഞു.
Post Your Comments