അബുദാബി: യുഎഇയില്‍ ഇന്ന് 1,717 പേര്‍ക്ക് കൂടി കൊറോണ വൈറസ് രോഗ ബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിക്കുകയുണ്ടായി. കോവിഡ് ചികിത്സയിലായിരുന്ന 1,960 പേര്‍ രോഗമുക്തരായപ്പോൾ അഞ്ച് പേര്‍ക്ക് കൂടി കൊവിഡ് ബാധിച്ചു മരിച്ചു.
കഴിഞ്ഞ 24 മണിക്കൂറിനിടെ നടത്തിയ 2,37,479 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയിരിക്കുന്നത്. ഇന്നുവരെയുള്ള കണക്കുകള്‍ പ്രകാരം യുഎഇയില്‍ 4,40,355 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്. ഇവരില്‍ 4,22,969 പേരും ഇതിനോടകം രോഗമുക്തരായി. ആകെ 1438 പേര്‍ കൊവിഡ് ബാധിച്ച് മരണപ്പെട്ടു. നിലവില്‍ 16,221 കൊവിഡ് രോഗികളാണ് രാജ്യത്തുള്ളതെന്ന് ഔദ്യോഗിക കണക്കുകള്‍ വ്യക്തമാക്കുന്നു. 3.53 കോടിയിലധികം കൊവിഡ് പരിശോധനകളാണ് യുഎഇയില്‍ ഇതിനോടകം നടത്തിയിട്ടുള്ളത്.
Post Your Comments