52.58 ലക്ഷം ആസ്തിയുണ്ടായിട്ടും 9 ലക്ഷത്തിന്റെ വാഹനലോൺ അടയ്ക്കാൻ കഴിയാത്ത ഫിറോസ് കുന്നംപറമ്പിൽ

വിവാദങ്ങൾ ഒരുപാട് സൃഷ്‌ടിച്ച ചാരിറ്റി പ്രവർത്തകനാണ് ഫിറോസ് കുന്നംപറമ്പിൽ. തവനൂര്‍ മണ്ഡലത്തിലെ യു.ഡി.എഫ്​ സ്​ഥാനാര്‍ഥിയായി മത്സരിക്കുന്ന ഫിറോസ്​ കുന്നംപറമ്ബിലിന്‍റെ കൈവശമുള്ളത്​ വെറും 5500 രൂപ. സ്​ഥാവര – ജംഗമ ആസ്​തിയായുള്ളത്​ 52,58,834 രൂപയാണ്​. ഫെഡറല്‍ ബാങ്ക്​ ആലത്തൂര്‍ ശാഖയില്‍ 8447 രൂപയും സൗത്ത്​ ഇന്ത്യന്‍ ബാങ്കില്‍ 16,132 രൂപയും എച്ച്‌​.ഡി.എഫ്​.സി ബാങ്കില്‍ 3255 രൂപയും എടപ്പാള്‍ എം.ഡി.സി ബാങ്കില്‍ 1000 രൂപയുമുണ്ട്​. ഭാര്യയുടെ കൈവശം​ 1000 രൂപയും ഒരു ലക്ഷം രൂപയുടെ സ്വര്‍ണവുമുണ്ട്​. രണ്ട്​ ആശ്രിതരുടെ ബാങ്ക്​ അക്കൗണ്ടിലായി 67,412 രൂപയാണുള്ളത്​​. പക്ഷെ കൈവശമുള്ള ഇന്നോവ കാറിന്​ 20 ലക്ഷം രൂപ വിലയുണ്ട്​. ഇതടക്കം ജംഗമ ആസ്​തിയായിട്ടുള്ളത്​ 20,28,834 രൂപയാണ്​​. വെറും 5500 രൂപ മാത്രം കയ്യിലുള്ളവന്റെ കയ്യിൽ എങ്ങനെ 20 ലക്ഷത്തിന്റെ വാഹനമെന്നാണ് പലരും ചോദിക്കുന്നത്.2,95,000 രൂപ വിലവരുന്ന ഭൂമി ഫിറോസിന്റെതായിട്ടുണ്ട്

Also Read:ആഘോഷങ്ങൾ ഇനി മെട്രോ ട്രെയിനിലാക്കാം: കോച്ചുകൾ വാടകയ്ക്ക് നൽകാൻ തീരുമാനം

2053 സ്​ക്വയര്‍ ഫീറ്റ്​ വരുന്ന വീടിന്‍റെ വില 31.5 ലക്ഷം രൂപയാണ്​​. ഇത്​ കൂടാതെ 80,000 രൂപയുടെ വസ്​തുവും കൈവശമുണ്ട്​. സ്ഥാപന ആസ്​തിയായി മൊത്തം​ 32,30,000 രൂപ വരും. വാഹന വായ്​പയായി 9,22,671 രൂപ അടക്കാനുണ്ട്​. കൂടാതെ ഭവന നിര്‍മാണ ബാധ്യതയായി ഏഴ്​ ലക്ഷം രൂപയുമുണ്ട്​. പത്താം ക്ലാസ്​ തോല്‍വിയാണ്​ വിദ്യാഭ്യാസ യോഗ്യത. ആലത്തൂര്‍ പൊലീസ്​ സ്​ റ്റേഷന്‍, ചേരാനല്ലൂര്‍ പൊലീസ്​ സ്​റ്റേഷന്‍ എന്നിവിടങ്ങളിലായി രണ്ട് ക്രമിനല്‍​ കേസുമുണ്ട്​. വെള്ളിയാഴ്ച്ച ഉച്ചക്ക്​ രണ്ടോടെ പെരുമ്ബടപ്പ് ബ്ലോക്ക്‌ പഞ്ചായത്ത്‌ ഓഫിസിലെത്തി വരണാധികാരി അമല്‍ നാഥിന് മുമ്പാകെയാണ് ഫിറോസ്​ കുന്നംപറമ്പില്‍ പത്രിക സമര്‍പ്പിച്ചത്.