പരിക്കിനെ തുടർന്ന് എവർട്ടൺ ഗോൾ കീപ്പർ പിക്ഫോർഡ് ലോകകപ്പ് യോഗ്യത മത്സരങ്ങൾക്കുള്ള ഇംഗ്ലണ്ട് ടീമിൽ നിന്ന് പുറത്ത്. എവർട്ടൺ മാനേജ്മെന്റാണ് പിക്ഫോർഡ് ഇംഗ്ലണ്ട് ടീമിൽ നിന്ന് പുറത്തായ കാര്യം അറിയിച്ചത്. പ്രീമിയർ ലീഗിൽ ബേൺലിക്കെതിരെ മത്സരത്തിനിടെയാണ് താരത്തിന് പരിക്കേറ്റത്. അതേസമയം, ലോകകപ്പ് യോഗ്യത മത്സരങ്ങൾക്കുള്ള ഇംഗ്ലണ്ട് ടീമിനെ നാളെ പ്രഖ്യാപിക്കും.
പിക്ഫോർഡിന് പകരം വെസ്റ്റ്ബ്രോം ഗോൾ കീപ്പർ സാം ജോൺസ്റ്റാൺ ഇംഗ്ലണ്ട് ടീമിൽ ഇടം പിടിക്കാനാണ് സാധ്യത. ഈ മാസം അവസാനം സാൻ മറിനോ, അൽബേനിയ, പോളണ്ട് എന്നീ ടീമുകൾക്കെതിരെയാണ് ഇംഗ്ലണ്ടിന്റെ ലോകകപ്പ് യോഗ്യത മത്സരങ്ങൾ. പരിക്കേറ്റതോടെ പിക്ഫോർഡ് മാഞ്ചസ്റ്റർ സിറ്റിക്കെതിരായ എഫ് എ കപ്പ് ക്വാർട്ടർ മത്സരത്തിലും കളിച്ചേക്കില്ല.
Post Your Comments