അബുദാബി: യുഎഇയില്‍ ഇന്ന് 1992 പേര്‍ക്ക് കൂടി കൊറോണ വൈറസ് രോഗ ബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിക്കുകയുണ്ടായി. കോവിഡ് ചികിത്സയിലായിരുന്ന 2169 പേര്‍ കൂടി രോഗമുക്തരായപ്പോള്‍ ഏഴ് പുതിയ കൊവിഡ് മരണങ്ങള്‍ കൂടി രാജ്യത്ത് റിപ്പോര്‍ട്ട് ചെയ്തിരിക്കുന്നു.
കഴിഞ്ഞ 24 മണിക്കൂറിനിടെ നടത്തിയ 2,32,901 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയിരിക്കുന്നത്. രാജ്യത്ത് ഇതുവരെ 3.38 കോടി പരിശോധനകള്‍ നടത്തിയതായാണ് ഔദ്യോഗിക കണക്കുകള്‍. ഇന്നുവരെയുള്ള കണക്കുകള്‍ പ്രകാരം ആകെ 4,26,397 പേര്‍ക്ക് ഇതുവരെ രാജ്യത്ത് കൊവിഡ് സ്ഥിരീകരിച്ചിട്ടുണ്ട്. ഇവരില്‍ 4,05,647 പേരും ഇതിനോടകം രോഗമുക്തരായിരിക്കുന്നു. 1395 പേർ കൊവിഡ് ബാധിച്ചു മരിച്ചു. നിലവില്‍ 19,335 കൊവിഡ് രോഗികള്‍ രാജ്യത്തുണ്ടെന്നാണ് കണക്ക്.
Post Your Comments