ഒറ്റപ്പാലം: സംസ്ഥാനമൊട്ടാകെ കോൺഗ്രസിന്റെ സ്ഥാനാർത്ഥി നിർണയത്തെ ചൊല്ലി ശക്തമായ പ്രതിഷേധം. ഒറ്റപ്പാലത്ത് യൂത്ത് കോൺഗ്രസ് പ്രവർത്തകർ പ്രതിഷേധവുമായി രംഗത്തെത്തി. കെപിസിസി സെക്രട്ടറിയായ പി ഹരിഗോവിന്ദനെ മണ്ഡലത്തിൽ മത്സരിപ്പിക്കാനുളള നീക്കത്തിനെതിരെയാണ് പ്രതിഷേധം.
Read Also : കോളേജ് ക്യാംപസിനകത്ത് കെട്ടിപ്പിടിച്ചതിന് വിദ്യാര്‍ത്ഥികളെ പുറത്താക്കി യൂണിവേഴ്‌സിറ്റി
യൂത്ത് കോൺഗ്രസ് സംസ്ഥാന സെക്രട്ടറി പി. സരിനെ മത്സരിപ്പിക്കണമെന്നാവശ്യപ്പെട്ടാണ് യൂത്ത് കോൺഗ്രസ് പ്രവർത്തകർ പ്രതിഷേധവുമായി രംഗത്തെത്തിയത്. സരിന്റെ പേര് നേരത്തെ മണ്ഡലത്തിൽ സജീവചർച്ചയായിരുന്നു. എന്നാൽ അവസാന നിമിഷങ്ങളിൽ ഹരിഗോവിന്ദന്റെ പേര് ഉയർന്നു വരികയായിരുന്നു.
ഒറ്റപ്പാലം ബ്ലോക്ക് കോൺഗ്രസ് കമ്മറ്റി ഓഫീസാണ് പ്രവർത്തകർ താഴിട്ട് പൂട്ടിയത്. സരിന് അനുകൂലമായും കെപിസിസിക്കെതിരേയും മുദ്രാവാക്യം വിളിച്ചുകൊണ്ടായിരുന്നു പ്രതിഷേധം. ഡോ സരിനെ സ്ഥാനാർത്ഥിയാക്കിയില്ലെങ്കിൽ കെപിസിസിയുടെയും എഐസിസിയുടെയും തീരുമാനത്തെ വെട്ടിമാറ്റി മുന്നോട്ടുപോകുമെന്ന് പ്രതിഷേധക്കാർ പറഞ്ഞു. യൂത്ത് കോൺഗ്രസിന്റെ ബൂത്ത് പ്രസിഡന്റുമാരും മണ്ഡലം പ്രസിഡന്റുമാരും ഉൾപ്പെടെ കൂട്ടരാജിക്ക് ഒരുങ്ങി നിൽക്കുകയാണെന്നും പ്രവർത്തകർ ഭീഷണി മുഴക്കി.
Post Your Comments