കോട്ടയം : നിയമസഭാ തെരഞ്ഞെടുപ്പില്‍ പുതുപ്പള്ളിയിലെ യുഡിഎഫ് സ്ഥാനാര്‍ഥി ആരായാലും ഇടതുപക്ഷം അവരെ സഹര്‍ഷം സ്വാഗതം ചെയ്യുന്നുവെന്ന് ഇടതു സ്ഥാനാര്‍ഥി ജെയ്ക് സി തോമസ്. ഉമ്മന് ചാണ്ടി നേമത്ത് മത്സരിക്കാന്‍ സന്നദ്ധത അറിയിച്ചുവെന്നും ചാണ്ടി ഉമ്മന് പുതുപ്പള്ളിയില്‍ സാധ്യത എന്നുമുള്ള മാധ്യമ വാര്‍ത്തകളോട് പ്രതികരിക്കുകയായിരുന്നു ജെയ്ക് സി തോമസ്.
ഉമ്മന് ചാണ്ടി ആയാലും ചാണ്ടി ഉമ്മനായാലും ഇടതുപക്ഷത്തിന് എതിരാളി ഒരുപോലെ ആയിരിക്കുമെന്നും പ്രചാരണ രീതികള്‍ എതിര്‍ സ്ഥാനാര്‍ഥിയെ നോക്കിയല്ല തീരുമാനിക്കുന്നതെന്നും ജെയ്ക് ദീപികയോട് വ്യക്തമാക്കി. മണ്ഡലത്തില്‍ ഇടത് വിജയം സുനിശ്ചിതമാണെന്നും ജെയ്ക് കൂട്ടിച്ചേര്‍ത്തു.
Post Your Comments