2020ൽ ഏറ്റവും കൂടുതൽ വാർത്തകളിൽ ഇടംനേടിയ 5 വനിതകൾ

സ്ത്രീശാക്തീകരണത്തിന് സമൂഹവും രാഷ്ട്രീയ പാർട്ടികളും ചുക്കാൻ പിടിക്കുമെങ്കിലും രാഷ്ട്രീയത്തിൽ സ്ത്രീകളുടെ പങ്കാളിത്തം സംബന്ധിച്ച് ഇന്ത്യ ഇനിയും ഒരുപാട് മുന്നോട്ട് പോകേണ്ടതുണ്ട്. മുൻ പ്രധാനമന്ത്രി ഇന്ദിരാഗാന്ധി, സോണിയ ഗാന്ധി, സുഷമ സ്വരാജ് തുടങ്ങിയ ശക്തരായ വനിതകളെ രാജ്യം കണ്ടിട്ടുണ്ട്. പങ്കാളിത്തം കുറവാണെങ്കിലും, ചില വനിതാ നേതാക്കൾക്ക് രാജ്യത്തെ രാഷ്ട്രീയ ഭൂപ്രകൃതി രൂപപ്പെടുത്താൻ കഴിഞ്ഞിട്ടുണ്ടെന്ന് തെളിയിക്കുന്ന വർഷമായിരുന്നു 2020. 2020 ൽ പ്രധാനവാർത്തകളിൽ ഇടംനേടിയ വനിതകൾ ആരൊക്കെയെന്ന് നോക്കാം:

1. നിർമല സീതാരാമൻ

കോവിഡ് -19 പകർച്ചവ്യാധിയും തുടർന്നുള്ള സർക്കാർ പ്രഖ്യാപിച്ച ലോക്ക്ഡൗണും കാരണം താഴ്ന്ന നിലയിലേക്ക് പോയ സമ്പദ്‌വ്യവസ്ഥയെ ചുരുങ്ങിയ സമയം കൊണ്ട് പുനരുജ്ജീവിപ്പിക്കാൻ മുഴുവൻ സമയവും പ്രയത്നിച്ച ധനമന്ത്രി നിർമല സീതാരാമൻ.

കോവിഡ് -19 മഹാമാരി മൂലം രാജ്യത്തിനുണ്ടായ സാമ്പത്തിക ബുദ്ധിമുട്ടുകൾ പരിഹരിക്കാൻ അക്ഷീണം പ്രയത്നിച്ച ധനമന്ത്രി. കൊവിഡ് മൂലം കഷ്ടത അനുഭവിച്ച രാജ്യത്തെ ദരിദ്രരെ സഹായിക്കുന്നതിന് 1.70 ലക്ഷം കോടി രൂപയുടെ ദുരിതാശ്വാസ പാക്കേജ് ധനമന്ത്രി പ്രഖ്യാപിച്ചത് രാജ്യം ഇരുകയ്യും നീട്ടിയാണ് സ്വീകരിച്ചത്. അവളുടെ നീണ്ട ബജറ്റ് പ്രസംഗങ്ങളും കൊറോണ വൈറസ് ദുരിതാശ്വാസ പാക്കേജ് പ്രഖ്യാപനങ്ങളും വെബ്‌സൈറ്റുകളുടെ ബിസിനസ്സ് വിഭാഗത്തിലെ മിക്ക വാർത്തകളിലും ആധിപത്യം പുലർത്തിയിരുന്നു.

2. സ്മൃതി ഇറാനി

വനിതാ ശിശു വികസന മന്ത്രിയായ സ്മൃതി ഇറാനിയും കഴിഞ്ഞ വർഷം രാജ്യം ഏറെ ചർച്ച ചെയ്ത വനിതയാണ്. ആത്മഹത്യയ്ക്ക് പ്രേരിപ്പിച്ചുവെന്ന കുറ്റത്തിന് ഒരു പ്രമുഖ പത്രപ്രവർത്തകനെ മുംബൈയിൽ അറസ്റ്റുചെയ്ത സംഭവത്തിൽ രൂക്ഷ വിമർശനവുമായി സ്മൃതി ഇറാനി രംഗത്തെത്തിയിരുന്നു. മാധ്യമ പ്രവർത്തകനെ പിന്തുണച്ച അവർ പൊലീസിന് നേരെ കടുത്ത ഭാഷയിലാണ് പ്രതികരിച്ചത്. അറസ്റ്റിനെതിരെ സ്മൃതി ഇറാനി ശബ്ദമുയർത്തിയതോടെ, നിരവധി പേർ പിന്തുണയുമായി രംഗത്ത് വന്നു. സംഭവം ഏറെ വാർത്താപ്രാധാന്യം നേടി. ഇത് മാധ്യമ സ്വാതന്ത്ര്യത്തിനെതിരായ ആക്രമണമാണെന്ന് അവർ വിശേഷിപ്പിച്ചു.

3. ഉമ ഭാരതി

കടുത്ത മതവിശ്വാസിയായ ഉമാ ഭാരതി ഇന്ത്യൻ രാഷ്ട്രീയത്തിൽ ‘സന്യാസിനി’ എന്ന പേരിലാണ് അറിയപ്പെടുന്നത്. കഴിഞ്ഞ ഒക്ടോബറിൽ ഹത്രാസ് കൊലപാതകവുമായി ബന്ധപ്പെട്ട് മുതിർന്ന ബിജെപി നേതാവ് കൂടിയായ ഉമ ഭാരതി യു പി പൊലീസിനെതിരെ രംഗത്ത് വന്നിരുന്നു. യുപി പോലീസിന്റെ പെരുമാറ്റത്തിൽ സംശയം ഉന്നയിച്ച ഇവർ സംസ്ഥാന മുഖ്യമന്ത്രി യോഗി ആദിത്യനാഥിനോട് മാധ്യമപ്രവർത്തകരെയും രാഷ്ട്രീയക്കാരെയും ഇരയുടെ കുടുംബത്തെ കാണാൻ അനുവദിക്കണമെന്നും ആവശ്യപ്പെട്ടിരുന്നു. കൊവിഡ് പോസിറ്റീവ് ആയി ചികിത്സയിൽ കഴിയുന്നതിനാൽ തനിക്ക് പെൺകുട്ടിയുടെ കുടുംബത്തെ നേരിൽ കാണാൻ സാധ്യമല്ലെന്നും അവർ വിശദീകരിച്ചിരുന്നു.

4. കെ കെ ഷൈലജ

കേരളത്തിലെ ആരോഗ്യമന്ത്രി കെ കെ ഷൈലജ കഴിഞ്ഞ വർഷം വാർത്തകളിൽ നിറഞ്ഞ് നിന്ന വ്യക്തിയാണ്. കോവിഡ് -19 പൊട്ടിപ്പുറപ്പെട്ട സമയത്ത് ആരോഗ്യമന്ത്രിയുടെ കീഴിൽ സംസ്ഥാനത്ത് നടത്തിവന്ന പ്രവർത്തനങ്ങൾ ഏറെ ശ്രദ്ധിക്കപ്പെട്ടിരുന്നു.കോവിഡ് -19 പാൻഡെമിക് കൈകാര്യം ചെയ്യുന്നതിൽ നേതൃത്വത്തിന് ഷൈലജയ്ക്ക് അന്താരാഷ്ട്ര ശ്രദ്ധ ലഭിച്ചു. ഐക്യരാഷ്ട്രസഭ വരെ ഷൈലജ ടീച്ചറെ അംഗീകരിക്കുകയും പ്രശംസിക്കുകയും ചെയ്തിരുന്നു.

5. ഖുശ്ബു

ഒക്ടോബറിൽ കോൺഗ്രസിൽ നിന്നും ബിജെപിയിലേക്ക് ചേർന്ന് രാഷ്ട്രീയ പാർട്ടികളെ ഞെട്ടിച്ച നടി ഖുശ്ബുവും കഴിഞ്ഞ വർഷത്തെ പ്രധാനതലക്കെട്ട് ആയിരുന്നു. കൊവിഡ് മാനദണ്ഡങ്ങൾ പാലിച്ചില്ലെന്നാരോപിച്ച് പൊലീസ് ഖുശ്ബുവിനെ അറസ്റ്റ് ചെയ്തതും വാർത്തയായിരുന്നു. ബിജെപിക്ക് വേണ്ടി പ്രവർത്തിക്കുമെന്ന് ഖുശ്ബു പറഞ്ഞതും ശ്രദ്ധ നേടിയിരുന്നു.