പ്രായപൂർത്തിയാകാത്ത വിദ്യാർത്ഥിനിയെ പീഡിപ്പിച്ച യുവാവ് അറസ്റ്റിൽ

മണർകാട് ; വ്യത്യസ്ത പീഡനക്കേസുകളിൽ 3 പേർ അറസ്റ്റിൽ. പ്രായപൂർത്തിയാകാത്ത വിദ്യാർത്ഥിനിയെ പീഡിപ്പിച്ച കേസിൽ വടവാതൂർ ശാന്തിഗ്രാം കോളനി പുത്തൻപറമ്പിൽ റെജിനെ(25) എസ്എച്ച്ഒ കെ.വിനുകുമാറിന്റെ നേതൃത്വത്തിൽ അറസ്റ്റ് ചെയ്തിരിക്കുന്നു. പ്രണയം നടിച്ച് വിദ്യാർഥിനിയെ പല സ്ഥലങ്ങളിലെത്തിച്ച് പീഡിപ്പിച്ചുവെന്നാണ് കേസ്. രക്ഷിതാക്കൾ പരാതി നൽകിയതിനെത്തുടർന്ന് റെജിൻ ഒളിവിൽ പോകുകയുണ്ടായി.

പൊലീസ് നടത്തിയ തിരച്ചിലിൽ കഴിഞ്ഞ ദിവസം പിടികൂടുകയായിരുന്നു ഉണ്ടായത്. വൈദ്യപരിശോധനയിൽ പെൺകുട്ടി പീഡനത്തിന് ഇരയായതായി തെളിഞ്ഞു. എസ്ഐ കെ.കെ. ജോസഫ്, ഗ്രേഡ് എസ്ഐമാരായ ഗോപകുമാർ, അനിൽകുമാർ, ചാക്കോ എന്നിവരുടെ നേതൃത്വത്തിലായിരുന്നു അന്വേഷണം. കോട്ടയം ഫസ്റ്റ് ക്ലാസ് മജിസ്ട്രേട്ട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

മനോദൗർബല്യമുള്ള യുവതിയെ നിരന്തരം പീഡിപ്പിച്ച കേസിൽ മാലം മലാട്ടുവീട് അജയകുമാർ (52), മാലം പോസ്റ്റ്ഓഫിസ് പടി കൊല്ലംകുഴിയിൽ രാജു ലൂക്കോസ് (61) എന്നിവരെ പോലീസ് അറസ്റ്റ് ചെയ്തു. എസ്എച്ച്ഒ വിനുകുമാർ, എസ്ഐ കെ.കെ. ജോസഫ്, ഗ്രേഡ് എസ്ഐമാരായ ഗോപകുമാർ, ബിനു, സിപിഒമാരായ സുരേഷ്, ഫ്രജിൻദാസ്, മുഹമ്മദ് ഷാ, ശാന്തി എന്നിവരുടെ നേതൃത്വത്തിലായിരുന്നു അന്വേഷണം.