നാഗ്‌പൂർ : പ്രായപൂർത്തിയാകാത്ത പെൺകുട്ടിയെ നഗ്ന പൂജയ്ക്ക് പ്രേരിപ്പിച്ചെന്ന പരാതിയിൽ അഞ്ച് പേർ അറസ്റ്റിൽ. വിവസ്ത്രയായി പൂജ ചെയ്താൽ അമ്പത് കോടി രൂപ മഴയായി പെയ്യുമെന്നായിരുന്നു പ്രതികളുടെ വാഗ്ദാനം.
ഫെബ്രുവരി 26 നാണ് പെൺകുട്ടിയുടെ പരാതിയെത്തുടർന്ന് പ്രതികളെ അറസ്റ്റ് ചെയ്തത്. പൂജയ്ക്കിടെ വിവസ്ത്രയാകണമെന്നായിരുന്നു പ്രതികളുടെ ആവശ്യം. പ്രതികളുടെ നീക്കത്തിൽ സംശയം തോന്നിയ പെൺകുട്ടി ആവശ്യം നിരസിച്ചു. എന്നാൽ ഇതേ ആവശ്യവുമായി പ്രതികൾ നിരന്തരം സമീപിച്ചതോടെയാണ് പെൺകുട്ടി പരാതി നൽകിയത്.
സംഭവത്തിൽ, വിക്കി ഗണേഷ് (20), ദിനേഷ് മഹാദേവ് നിഖാരേ (41), വിനോദ് ജയറാം മസ്രാം (42), സോപൻ ഹരിബോ കുംറേ (35), എന്നിവരാണ് പിടിയിലായത്. വിക്കി ഗണേഷിനെ പിടികൂടി നടത്തിയ ചോദ്യം ചെയ്യലിനൊടുവിലാണ് മറ്റ് പ്രതികളെ പിടികൂടിയത്. പ്രതികൾക്കെതിരെ, പോക്സോ, ബ്ലാക്ക് മാജിക്ക് നിയമം അടക്കം നിരവധി വകുപ്പുകൾ ചുമത്തി.
Post Your Comments